ഇന്ത്യ ബുക്ക് ഓഫ് റെക്കോര്‍ഡ്‌സില്‍ ഇടം പിടിച്ച് ഇരിങ്ങാലക്കുടയിലെ കുഞ്ഞുഗായിക ഭാവയാമി
ഇരിങ്ങാലക്കുട: ഏറ്റവും കുറഞ്ഞ പ്രായത്തില്‍ കൂടുതല്‍ ഭാഷകളില്‍ ഗാനങ്ങള്‍ ആലപിച്ചതിന്റെ ഇന്ത്യ ബുക്ക് ഓഫ് റെക്കോര്‍ഡ് കരസ്ഥമാക്കിയിരിക്കുകയാണ് ഇരിങ്ങാലക്കുട സ്വദേശി മൂന്നു വയസുകാരി എ. ഭാവയാമി പ്രസാദ്. സംസ്‌കൃതം, ഹിന്ദി, ബംഗാളി, തെലുങ്ക്, കന്നഡ, തമിഴ്, മലയാളം എന്നിവയുള്‍പ്പെടെ ഏഴു വ്യത്യസ്ത ഭാഷകളിലായി 31 ഗാനങ്ങളാണ് മൂന്നു വയസും 11 മാസവും പ്രായമുള്ള ഭാവയാമി ആലപിച്ചത്. ഈ നേട്ടമാണ് ഇക്കഴിഞ്ഞ ജൂണ്‍ ഒന്നിന് ഇന്ത്യ ബുക്ക് ഓഫ് റെക്കോര്‍ഡ്‌സ് അധികൃതര്‍ അംഗീകരിച്ചത്. മലയാളത്തിലെ പ്രമുഖ ടിവി ചാനലുകളിലെ റിയാലിറ്റി ഷോകളില്‍ അതിഥിയായി എത്തി പരിപാടി അവതരിപ്പിക്കാനും ഭാവയാമിയ്ക്ക് അവസരം ലഭിച്ചിട്ടുണ്ട്. ഇരിങ്ങാലക്കുട കാഞ്ഞിരത്തോട് സ്വദേശികളായ ഗിരി പ്രസാദിന്റെയും ശേത്വാ കിരണിന്റെയും മകളായ ഭാവയാമി ശാന്തിനികേതന്‍ പബ്ലിക് സ്‌കൂളിലെ എല്‍കെജി വിദ്യാര്‍ഥിനിയാണ്. ഭാവയാമിയുടെ സഹോദരന്‍ ബാലാദിത്യയും നല്ലൊരു പാട്ടുകാരനാണ്. താന്‍ പാടിയ ഗാനങ്ങള്‍ മറ്റുള്ളവരിലേക്കെത്തിക്കാന്‍ സ്വന്തമായൊരു യൂട്യൂബ് ചാനലും ഈ കൊച്ചു മിടുക്കിക്കുണ്ട്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
