പതിനേഴുകാരിയെ പീഡനത്തിന് ഇരയാക്കിയ പരാതിയില്‍ യുവാവ് അറസ്റ്റില്‍
ഇരിങ്ങാലക്കുട: പതിനേഴുകാരിയെ പീഡനത്തിന് ഇരയാക്കിയ പരാതിയില്‍ യുവാവ് അറസ്റ്റിലായി. കിഴുപ്പുള്ളിക്കര സ്വദേശി പ്രിനേഷിനെയാണ് (31) ഇരിങ്ങാലക്കുട ഡിവൈഎസ്പി ബാബു കെ. തോമസ് അറസ്റ്റു ചെയ്തത്. ഇക്കഴിഞ്ഞ ഫെബ്രുവരി മാസത്തില്‍ പെണ്‍കുട്ടിയെ പ്രണയം നടിച്ച് തന്റെ വീട്ടില്‍ കൊണ്ടുപോയി പീഡിപ്പിച്ചതായാണ് പരാതി. ഇതേ തുടര്‍ന്ന് പോക്‌സോ നിയമപ്രകാരം കേസെടുത്ത ഡിവൈഎസ്പിയും സംഘവും വ്യക്തമായ അന്വേഷണം നടത്തിയാണ് പ്രതിയെ പിടികൂടിയത്. പെണ്‍കുട്ടിയോട് ഇയാള്‍ വിവാഹ വാഗ്ദാനം നടത്തിയിരുന്നതായും പറയപ്പെടുന്നുണ്ട്. വിദഗ്ധ ഡോക്ടര്‍മാരുടെ അഭിപ്രായവും മറ്റും ശേഖരിച്ചാണ് അന്വേഷണ സംഘം അറസ്റ്റിലേക്ക് എത്തിയത്. ഇയാളുടെ മൊബൈല്‍ ഫോണ്‍ രേഖകളും പോലീസ് പരിശോധിച്ചു വരികയാണ്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. എസ്‌ഐ മാരായ പി.ജെ. ഫ്രാന്‍സിസ്, ടി.യു. സുരേഷ്, എഎസ്‌ഐ മാരായ മുഹമ്മദ് അഷറഫ്, എം. സുമല്‍, സീനിയര്‍ സിപിഒ മാരായ
ഇ.എസ്. ജീവന്‍, സോണി സേവ്യര്‍, സിപിഒ കെ.എസ്. ഉമേഷ് എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
