വര്‍ണകാവടികള്‍ വസന്തമൊരുക്കി ഇരിങ്ങാലക്കുട വിശ്വനാഥപുരം ക്ഷേത്രത്തിലെ കാവടി മഹോല്‍സവം.
വിസ്മയക്കാഴ്ചയില്‍ കണ്ണും മനവും നിറച്ച് ആസ്വാദക വൃന്ദം
ഇരിങ്ങാലക്കുട: വീഥികളില്‍ വിസ്മയ കാഴ്ചയൊരുക്കി കാവടികൂട്ടങ്ങള്‍ വിലാസ നടനമാടിയപ്പോള്‍ ഇരിങ്ങാലക്കുട ശ്രീ വിശ്വനാഥപുരം ക്ഷേത്രത്തിലെ കാവടിമഹോല്‍സവം വര്‍ണാഭമായി മാറി. പുത്തന്‍കാവടികളാല്‍ നയനമനോഹരമായ പ്രപഞ്ചം സൃഷ്ടിച്ച് വര്‍ണം വാരിവിതറിയ വിസ്മയക്കാഴ്ചയില്‍ പൂക്കാവടികളും പീലിക്കാവടികളും നിറഞ്ഞ കാവടിവരവ് ആസ്വാദക ഹൃദയത്തെ കീഴടക്കി. വിവിധ ദേശങ്ങളില്‍ നിന്നെത്തിയ വര്‍ണപ്പീലിക്കാവടികളും പ്രച്ഛന്നവേഷങ്ങളും വിവിധ വാദ്യമേളങ്ങളുടെ അകമ്പടിയില്‍ ക്ഷേത്രസന്നിധിയില്‍ ആടിത്തിമിര്‍ത്തപ്പോള്‍ ആസ്വാദകര്‍ ആവേശത്താല്‍ ആര്‍പ്പുവിളിച്ചു. ഇതുവരെ അവതരിപ്പിക്കാത്ത ഭംഗിയാര്‍ന്ന പാല്‍ക്കാവടികളും ഭസ്മക്കാവടികളുമായാണ് വിവിധ മേഖലകളില്‍നിന്നുള്ള വിഭാഗക്കാര്‍ ക്ഷേത്രാങ്കണത്തില്‍ എത്തിച്ചേര്‍ന്നത്. തവില്‍, ശിങ്കാരിമേളം, ബാന്റ് സെറ്റ് തുടങ്ങിയ വാദ്യ സംഘങ്ങളും കാവടിയ്്ക്ക് അകമ്പടിയേകി. പുല്ലൂര്‍, തുറവന്‍കാട്, ടൗണ്‍ പടിഞ്ഞാട്ടുമുറി, കോമ്പാറ എന്നീ വിഭാഗങ്ങളില്‍നിന്നാണ് കാവടി സംഘങ്ങള്‍ എത്തിച്ചേര്‍ന്നത്. ഉച്ചയ്ക്ക് മൂന്നോടെ കാവടിയാട്ടം സമാപിച്ചു. വിവിധ ദേശക്കാര്‍ നടത്തിയ കാവടിവരവില്‍ നിശ്ചലദൃശ്യങ്ങള്‍ ഏറെ ശ്രദ്ധയാകര്‍ഷിച്ചു. ഇന്ന് രാവിലെ ഒമ്പ് മുതല്‍ 11 വരെയും ഉച്ചത്തിരിഞ്ഞ് നാല് മുതല്‍ രാത്രി ഏഴു വരെയും പൂരം എഴുന്നള്ളിപ്പു നടക്കും. രാത്രി 8.30 ന് രഘുമാരാരുടെ നേതൃത്വത്തില്‍ പാണ്ടി മേളം ഉണ്ടായിരിക്കും. രാത്രി ഏഴിന് നടക്കുന്ന ചടങ്ങില്‍ നാടക മല്‍സരത്തിന്റെ സമ്മാനദാനവും 8.30 ന് ഗാനമേളയും നടക്കും.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
