കോളജ് വിദ്യാര്‍ഥികള്‍ സഞ്ചരിച്ച ബസ് മറിഞ്ഞു.
ഇരിങ്ങാലക്കുട: കോളജ് വിദ്യാര്‍ഥികള്‍ സഞ്ചരിച്ച ബസ് മറിഞ്ഞു. ഇരിങ്ങാലക്കുട ക്രൈസറ്റ് കോളജിലെ വിദ്യാര്‍ഥികള്‍ സഞ്ചരിച്ച ബസാണ് അപകടത്തില്‍പെട്ടത്. ഇന്നലെ രാത്രി 7.30 ന് മധ്യപ്രദേശിലെ റായ്പൂരിലെ കട്‌നിയില്‍ വച്ചാണ് അപകടം സംഭവിച്ചത്. ജിയോളജി വിഭാഗം മൂന്നാം വര്‍ഷ വിദ്യാര്‍ത്ഥികള്‍ അവരുടെ പഠന പ്രവര്‍ത്തനങ്ങളുടെ ഭാഗമായ ഫീല്‍ഡ് സര്‍വ്വേക്കായി മധ്യപ്രദേശിലെ വിവിധ ഖനികള്‍ സന്ദര്‍ശിക്കാനും സാമ്പിള്‍ ശേഖരിക്കാനുമായാണ് പോയത്. 71 വിദ്യാര്‍ഥികളും ഏഴ് അധ്യാപകരുമാണ് പഠനയാത്രയില്‍ ഉണ്ടായിരുന്നത്. ഫെബ്രുവരി 14 ന് ട്രെയിനില്‍ യാത്ര തിരിച്ച സംഘം മധ്യപ്രദേശിലെത്തി രണ്ടു ബസുകളിലായി യാത്ര ചെയ്യുകയായിരുന്നു. ഇതില്‍ ഒരു ബസ് വളവില്‍ വച്ച് നിയന്ത്രണം വിട്ട് പാടത്തേക്ക് മറിയുകയായിരുന്നു. അപകടത്തില്‍ രണ്ട് അധ്യാപകര്‍ക്കും 14 വിദ്യാര്‍ഥികള്‍ക്കും പരിക്കേറ്റിട്ടുണ്ട്. ആരുടെയും പരിക്ക് ഗുരുതരമല്ല. പരിക്കേറ്റവരെ കട്‌നി ജില്ലാ ആശുപത്രിയില്‍ പ്രവേശിപ്പിച്ചു. കാലിനു പരിക്കു പറ്റിയ ഒരു അധ്യാപകനെയും തലക്കു പരിക്കേറ്റ ഒരു വിദ്യാര്‍ഥിയെയും ജഗല്‍പൂരിലെ ആശുപത്രിയിലേക്ക് മാറ്റി. സ്ഥലത്തെ മലയാളിയായ പോലീസ് ഉദ്യഗസഥനുമായി ബന്ധപ്പെട്ട് അടിയന്തിര സഹായങ്ങള്‍ ലഭ്യമാക്കിയിട്ടുണ്ട്.
About Author
ആളൂര്‍ പൊലിസ് സ്റ്റേഷന്‍ നിര്‍മാണത്തിന് ഭൂമി ഒരുങ്ങി 
തൃശൂര്‍ കൊടുങ്ങല്ലൂര്‍ റോഡ്; ചിറവളവിലെ 190 മീറ്റര്‍ ഭാഗം ഇന്ന് കോണ്‍ക്രീറ്റിംഗ് തുടങ്ങും 
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
കുട്ടന്‍കുളം നവീകരണം വീണ്ടും തുടങ്ങുന്നു; മാര്‍ച്ചില്‍ പൂര്‍ത്തിയാക്കും 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
സാവിത്രി വധം: കുറ്റവാളിക്ക് പരമാവധി ശിക്ഷ വാങ്ങി നല്‍കുമെന്ന് മന്ത്രി രമേശ് ചെന്നിത്തല 
