മോട്ടോര്‍ തകരാര്‍; ബസ്സ്റ്റാന്‍ഡ് കെട്ടിടത്തില്‍ വെള്ളമില്ല,

February 22, 2023

Social media

മുടങ്ങിയിട്ട് ആഴ്ചകള്‍

ഇരിങ്ങാലക്കുട: മോട്ടോര്‍ തകരാറിലായതോടെ സമീപത്തെ നഗരസഭാ കെട്ടിടങ്ങളിലേക്കുള്ള വെള്ളം മുടങ്ങിയിട്ട് ആഴ്ചകള്‍ പിന്നിടുന്നു. ബസ്സ്റ്റാന്‍ഡിന് കിഴക്കുഭാഗത്തെ പഴയ കെട്ടിടത്തിലും പടിഞ്ഞാറുഭാഗത്തെ കെട്ടിടത്തിലുമുള്ള വ്യാപാരസ്ഥാപനങ്ങളിലും ഓഫീസുകളിലും കംഫര്‍ട്ട് സ്റ്റേഷന്‍ അടക്കമുള്ള സ്ഥലങ്ങളിലും ഇതുമൂലം വെള്ളം കിട്ടാത്ത അവസ്ഥയായി. കുറച്ചുദിവസം മുമ്പാണ് ബസ്സ്റ്റാന്‍ഡിലുള്ള കിണറിലെ മോട്ടോര്‍ കത്തിയത്. ഇതിനെത്തുടര്‍ന്ന് മോട്ടോര്‍ അഴിച്ച് ശരിയാക്കി കൊണ്ടുവന്നെങ്കിലും ഒരുദിവസം മാത്രമാണ് ടാങ്കുകളില്‍ വെള്ളം നിറയ്ക്കാനായത്. മോട്ടോറില്‍നിന്ന് വെള്ളം കയറുന്നില്ലെന്നാണ് പറയുന്നത്.
നഗരസഭാ അധികൃതര്‍ മോട്ടോര്‍ പരിശോധിച്ചെങ്കിലും പ്രശ്‌നമെന്തെന്ന് കണ്ടെത്താനായിട്ടില്ല. വെള്ളം കിട്ടാതെയുള്ള പ്രതിസന്ധി പരിഹരിക്കാന്‍ നഗരസഭ അടിയന്തരമായി മോട്ടോര്‍ ശരിയാക്കുകയോ ബദല്‍ സംവിധാനമൊരുക്കുകയോ വേണമെന്നാണ് ഇരു കെട്ടിടങ്ങളിലെയും സ്ഥാപനങ്ങളുടെ ആവശ്യം.