പൊതുവിതരണ വകുപ്പിന്റെ ഒപ്പം പദ്ധതി ഇരിങ്ങാലക്കുട മണ്ഡലത്തിലും; റേഷന് വിഹിതം ഇനി ഓട്ടോ തൊഴിലാളികള് വീട്ടിലെത്തിക്കും
ഇരിങ്ങാലക്കുട: പൊതുവിതരണ വകുപ്പിന്റെ ഒപ്പം പദ്ധതി ഇരിങ്ങാലക്കുട മണ്ഡലത്തിലും. കടകളില് നേരിട്ട് എത്തി സാധനങ്ങള് വാങ്ങാന് കഴിയാത്തവര്ക്ക് പ്രദേശത്തെ ഓട്ടോ തൊഴിലാളികളുടെ സഹായത്തോടെ എല്ലാ മാസവും പത്താം തീയതിക്കുള്ളില് റേഷന് വിഹിതം എത്തിക്കാനാണ് ഒപ്പം പദ്ധതി ലക്ഷ്യമിടുന്നത്. പദ്ധതിയുടെ മുകുന്ദപുരം താലൂക്ക്തല ഉദ്ഘാടനം 38-ാം നമ്പര് റേഷന്കട പരിസരത്ത് നടന്ന ചടങ്ങില് ഉന്നത വിദ്യാഭ്യാസ വകുപ്പ് മന്ത്രി ഡോ. ആര്. ബിന്ദു നിര്വഹിച്ചു. വാതില്പ്പടിക്കല് തന്നെ സേവനങ്ങള് എത്തിക്കുക എന്ന സര്ക്കാര് നയങ്ങളുടെ ഭാഗമായിട്ടാണ് പദ്ധതി നടപ്പിലാക്കുന്നതെന്ന് മന്ത്രി പറഞ്ഞു. നഗരസഭ ചെയര്പേഴ്സണ് സോണിയ ഗിരി അധ്യക്ഷയായിരുന്നു. നഗരസഭ സ്റ്റാന്ഡിംഗ് കമ്മിറ്റി ചെയര്മാന്മാര്, വിവിധ രാഷ്ട്രീയ കക്ഷി പ്രതിനിധികള് തുടങ്ങിയവര് പങ്കെടുത്തു. താലൂക്ക് സപ്ലൈ ഓഫീസര് ഇ.വി. സുരേഷ് സ്വാഗതവും, റേഷനിംഗ് ഇന്സ്പെക്ടര് എം.കെ. ഷിനി നന്ദിയും പറഞ്ഞു.

കാട്ടൂരിലെ സ്പിരിറ്റ് വേട്ട; അന്വേഷണം എക്സൈസ് അസി. കമ്മീഷണര്ക്ക്
ഓരോ കുഞ്ഞിലും ഒരു സൂപ്പര്ഹീറോ; സ്വപ്നങ്ങള്ക്ക് ചിറകേകി ചിറക് 2026
യുവപ്രതിഭകള്ക്ക് വേദിയൊരുക്കാന് നവ്യം പോലുള്ള അരങ്ങുകള് അനിവാര്യമെന്ന് ജി. വേണുഗോപാല്
അഡ്വ. തോമസ് ഉണ്ണിയാടന് എംഎല്എ സന്ദര്ശിച്ചു
ഇന്ത്യ ശ്രീലങ്ക എന്സിസി സൈക്ലിംഗ് പര്യടനം 2027: ഇരിങ്ങാലക്കുട സെന്റ് ജോസഫ്സ് കോളജിലെ കേഡറ്റുകള് കൊളംബോയിലെത്തി
റോട്ടറി സെന്ട്രല് ക്ലബ്ബിന്റെ കാരുണ്യസ്പര്ശം; പൊറത്തിശേരി പ്രാഥമിക ആരോഗ്യകേന്ദ്രത്തിന് ഊഞ്ഞാലുകളും ബഞ്ചുകളും സമ്മാനിച്ചു