വികസന കാര്യസ്റ്റാന്ഡിംഗ് കമ്മിറ്റി ചെയര്പേഴ്സനായി ഫെനി എബിന് വെള്ളാനിക്കാരനെ തിരഞ്ഞെടുത്തു
ഇരിങ്ങാലക്കുട: ഇരിങ്ങാലക്കുട നഗരസഭയുടെ വികസന കാര്യസ്റ്റാന്ഡിംഗ് കമ്മിറ്റി ചെയര്പേഴ്സനായി ഭരണകക്ഷിയായ യുഡിഎഫിലെ ഫെനി എബിന് വെള്ളാനിക്കാരനെ തിരഞ്ഞെടുത്തു. ഭരണകക്ഷിയിലെ ധാരണപ്രകാരം സുജ സഞ്ജീവ്കുമാര് വികസനകാര്യ കമ്മിറ്റി ചെയര്പേഴ്സണ് സ്ഥാനം ഒഴിഞ്ഞതിനെ തുടര്ന്നാണ് തിരഞ്ഞെടുപ്പ് വേണ്ടിവന്നത്. എഴംഗ കമ്മിറ്റിയില് യുഡിഎഫിന് നാലും എല്ഡിഎഫിന് രണ്ടും ബിജെപിക്ക് ഒരംഗവുമാണുള്ളത്. കൗണ്സില് ഹാളില് നടന്ന തിരഞ്ഞെടുപ്പില് യുഡിഎഫ് സ്ഥാനാര്ഥി ഫെനി എബിന് വെള്ളാനിക്കാരന് നാലും എല്ഡിഎഫ് സ്ഥാനാര്ഥി അല്ഫോണ്സ തോമസിന് രണ്ടും വോട്ടുകളും ലഭിച്ചു. ബിജെപി അംഗം തിരഞ്ഞെടുപ്പില് നിന്ന് വിട്ട്നിന്നു. നാല് വോട്ടുകള് നേടിയ ഫെനി എബിന് വെള്ളാനിക്കാരന് തിരഞ്ഞെടുക്കപ്പെട്ടതായി റിട്ടേണിംഗ് ഓഫീസറും ഡെപ്യൂട്ടി കളക്ടറുമായ യമുന ദേവി പ്രഖ്യാപിച്ചു. ഫെനി എബിന് യുഡിഎഫിലെ ഘടകകക്ഷിയായ കേരള കോണ്ഗ്രസ് ജോസഫ് വിഭാഗം ജില്ലാ സെക്രട്ടറിയാണ്. ജെസിഐ ലേഡീസ് വിഭാഗം പ്രസിഡന്റായി പ്രവര്ത്തിച്ചിട്ടുണ്ട്.

തൃശൂര് റൂറല് ജില്ലാ പോലീസ് ജനമൈത്രി പോലീസിന്റെ പ്രസിഡന്റായി ടെല്സണ് കോട്ടോളി തെരഞ്ഞെടുക്കപ്പെട്ടു
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
പ്രഥമ സേവന് ജ്യോതി പുരസ്കാരം ഫാ. ജോണ് കവലക്കാട്ടിന്
ശാസ്ത്രസ്വപ്നങ്ങള്ക്ക് ചിറകുനല്കി കുരുന്നുപ്രതിഭകള്നൂതന ആശയങ്ങളും വിസ്മയാവിഷ്കാരങ്ങളുമായി തൃശൂര് റവന്യൂ ജില്ലാ സ്കൂള് ശാസ്ത്രോത്സവത്തിന് തുടക്കം
ജില്ലാ ശാസ്ത്രമേളയില് ഹരിതസന്ദേശവുമായി സ്റ്റുഡന്റ് പോലീസ് കേഡറ്റുകള്
16-ാം മത് തൃശൂര് റവന്യൂ ജില്ല സ്കൂള് ശാസ്ത്രോത്സവം നാളെയും മറ്റന്നാളും ഇരിങ്ങാലക്കുടയില്