സുബ്രതോ മുഖര്‍ജി ഫുട്‌ബോള്‍ ചാമ്പ്യന്‍ഷിപ്പിന് ഇരിങ്ങാലക്കുട ക്രൈസ്റ്റ് കോളജില്‍ തുടക്കം കുറിച്ചു
ഇരിങ്ങാലക്കുട: ജില്ലയിലെ മികച്ച സ്‌കൂള്‍ ടീമിനെ കണ്ടെത്തുന്നതിനു വേണ്ടിയുള്ള സുബ്രതോ മുഖര്‍ജി ഫുട്‌ബോള്‍ ചാമ്പ്യന്‍ഷിപ്പിന് വിദ്യാഭ്യാസ വകുപ്പിന്റെ നേതൃത്വത്തില്‍ ഇരിങ്ങാലക്കുട ക്രൈസ്റ്റ് കോളജില്‍ തുടക്കം കുറിച്ചു. 12 ഉപജില്ലകളില്‍ നിന്നായി അണ്ടര്‍ 14, 17 വിഭാഗങ്ങളില്‍ ആണ്‍കുട്ടികളും അണ്ടര്‍ 17 വിഭാഗത്തില്‍ പെണ്‍കുട്ടികളുമടക്കം 500ല്‍ പരം കായിക താരങ്ങള്‍ നാലു ദിനങ്ങളിലായി മത്സരത്തില്‍ മാറ്റുരക്കുന്നു. മത്സര സ്ഥലത്തു ക്യാമ്പ് ചെയ്തു കൊണ്ടു കായിക താരങ്ങള്‍ക്ക് മത്സര സമയത്തു ഉണ്ടാകുന്ന പരിക്കുകള്‍ക്കുള്ള സേവനം നല്‍കിക്കൊണ്ട് കേരള ഇന്‍സ്റ്റിറ്റ്യൂട്ട് ഓഫ് സ്‌പോര്‍ട്‌സ് ആയുര്‍വേദ ആന്‍ഡ് റിസര്‍ച്ച് സെന്ററിലെ മെഡിക്കല്‍ സംഘം സേവനം നല്‍കുന്നു. ജില്ലാ തല ഉദ്ഘാടനം ഇരിങ്ങാലക്കുട നഗരസഭ വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ ജൈസണ്‍ പാറേക്കാടന്‍ നിര്‍വഹിച്ചു. പ്രസ്തുത ചടങ്ങില്‍ ജില്ലാ വിദ്യാഭ്യാസ ഡയറക്ടര്‍ എസ്. ഷാജി, ഇരിങ്ങാലക്കുട ഉപജില്ലാ വിദ്യാഭ്യാസ ഓഫീസര്‍ ഡോ. എം.സി. നിഷ, ക്രൈസ്റ്റ് കോളജ് മാനേജര്‍ ഫാ. ജോയ്, ജില്ലാ സ്‌പോര്‍ട്‌സ് കോഡിനേറ്റര്‍ എ.എസ്. മിഥുന്‍, റവന്യൂ ജില്ലാ സെക്രട്ടറി ഗിറ്റ്‌സണ്‍ തോമസ് എന്നിവര്‍ സംസാരിച്ചു.
About Author
സോഷ്യല്‍ വര്‍ക്ക് റിസര്‍ച്ച് സെന്ററിന് കാലിക്കട്ട് യൂണിവേഴ്‌സിറ്റിയുടെ അംഗീകാരം ലഭിച്ചു 
ടേബിള്‍ ടെന്നീസില്‍ സ്വര്‍ണവുമായി ജൊവന്ന ജെനില്‍ 
കെഎസ്ഇ വെസ്റ്റാ ബാലകലോത്സവം; എം.എ. അബ്രാം വെസ്റ്റാ ബേബി പ്രിന്‍സ്, എലിസ ആഷ്‌ലിന്‍ വെസ്റ്റാ ബേബി പ്രിന്‍സസ് 
ആശുപത്രിയിലും കുരുന്നുകള്‍ക്ക് ശിശുദിനത്തില്‍ സാന്ത്വനമേകാന്‍ കാറളം വിഎച്ച്എസ്ഇയിലെ എന്‍എസ്എസ് വളണ്ടിയേഴ്‌സ് 
ശാന്തിനികേതന്‍ പബ്ലിക് സ്‌കൂളില്‍ സ്‌പെയ്‌സ് ഓണ്‍ വീല്‍സ് എക്‌സിബിഷന്‍ നടന്നു 
ശിശുദിനത്തോടനുബന്ധിച്ച് ശാന്തിനികേതനില്‍ കലാപരിപാടികള്‍ സംഘടിപ്പിച്ചു 
