സ്‌പെയിനില്‍ ഫുട്‌ബോള്‍ പരിശീലനത്തിന് ശ്രീരാജിനു സെലക്ഷന്; പോകാന്‍ കഴിയുമോയെന്ന് ആശങ്ക
ഇരിങ്ങാലക്കുട: സ്‌പെയിനില്‍ ഫുട്‌ബോള്‍ പരിശീലനത്തിന് സെലക്ഷന് ലഭിച്ചിട്ടും സാമ്പത്തിക ബുദ്ധിമുട്ടുകാരണം പോകാന്‍ കഴിയുമോയെന്ന ആശങ്കയോടെ ശ്രീരാജും കുടുംബവും. പൊറത്തിശേരി നിര്‍മിതി കോളനിയില്‍ താമസിക്കുന്ന ഇളയേടത്ത് വീട്ടില്‍ ഷാജിയുടെ മകന്‍ ശ്രീരാജിനാണു സ്‌പെയിനില്‍ ഒരു മാസം നീണ്ടുനില്‍ക്കുന്ന ഫുട്‌ബോള്‍ പരിശീലനത്തിന് അവസരം ലഭിച്ചിരിക്കുന്നത്. ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ പ്ലസ് ടു വിദ്യാര്‍ഥിയായ ശ്രീരാജ് സ്‌കൂള്‍ ഫുട്‌ബോള്‍ ടീം അംഗമാണ്. പാലക്കാട് നടന്ന സെലക്ഷന് ക്യാമ്പില്‍ നിന്നാണ് ശ്രീരാജിന് സ്‌പെയിനിലെ മിസ് ലാറ്റ യുഎഫ് വലന്‍സിയ ക്ലബ്ബിലേക്ക് ഒരു മാസത്തെ ഫുട്‌ബോള്‍ പരിശീലനക്യാമ്പില്‍ പങ്കെടുക്കാന്‍ അവസരം ലഭിച്ചത്.
ഒരു മാസത്തെ ക്യാമ്പ് വിജയകരമായി പൂര്‍ത്തിയാക്കിയാല്‍ ഒരു വര്‍ഷത്തേക്കുള്ള പരിശീലനത്തിന് അവസരം ലഭിക്കും. എന്നാല്‍ സ്‌പെയിനിലേക്കുള്ള യാത്രയ്ക്കും താമസത്തിനും വിസയ്ക്കും മറ്റുമായി നാലര ലക്ഷം രൂപ വേണം. ഇതില്‍ വിസയ്ക്കും താമസത്തിനുമുള്ള രണ്ടേ മുക്കാല്‍ ലക്ഷം രൂപ ഈ മാസം 30ന് മുമ്പായി അടയ്ക്കണം. കെട്ടിട നിര്‍മാണ തൊഴിലാളിയായ ഷാജിയുടെ ഏക വരുമാനം കൊണ്ടാണ് കുടുംബം കഴിയുന്നത്. അമ്മ ഷര്‍മിള വീട്ടമ്മയാണ്. സഹോദരങ്ങളായ ആദിത്യന്‍, ശിവഗംഗ എന്നീ രണ്ടുപേരും പഠിക്കുകയാണ്. ചെറുപ്പം മുതല്‍ തന്നെ ഫുട്‌ബോള്‍ കളിച്ചുവളര്‍ന്ന ശ്രീരാജ് ഇതിനോടകം മികച്ച കളിക്കാരനുള്ള നിരവധി സമ്മാനങ്ങള്‍ നേടിയിട്ടുണ്ട്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
