വെസ്റ്റ് ലയണ്‍സ് ക്ലബിന്റെയും ലെജന്റ്‌സ് ഓഫ് ചന്തക്കുന്നിന്റെയും സംയുക്താഭിമുഖ്യത്തില്‍ ഇരിങ്ങാലക്കുടയില്‍ പുലിക്കളി ആഘോഷം നാളെ
ഇരിങ്ങാലക്കുട: വെസ്റ്റ് ലയണ്‍സ് ക്ലബിന്റെയും ലെജന്റ്‌സ് ഓഫ് ചന്തക്കുന്നിന്റെയും സംയുക്ത ആഭിമുഖ്യത്തില്‍ ജെപി ട്രേഡിംഗ് കമ്പനിയുടെ സഹകരണത്തോടുകൂടി ഇരിങ്ങാലക്കുടയില്‍ തിരുവോണ പിറ്റേന്ന് പുലികളി ആഘോഷം നടക്കും. 30 ന് ഉച്ചതിരിഞ്ഞ് രണ്ടുമണിക്ക് ടൗണ്‍ഹാള്‍ പരിസരത്ത് നിന്നും ആരംഭിക്കുന്ന പുലിക്കളി ആഘോഷയാത്ര നഗരസഭ ചെയര്‍പേഴ്‌സണ്‍ സുജ സജീവ്കുമാര്‍, ലയണ്‍സ് ക്ലബ് ഇന്റര്‍നാഷണല്‍ 318 ഡി ഡിസ്ട്രിക്ട് ഗവര്‍ണര്‍ ടോണി ആനോക്കാരന്‍ എന്നിവര്‍ ഫഌഗ് ഓഫ് ചെയ്യും. പുലികളും പുലിമേളവും ശിങ്കാരിമേളവും കാവടിയും അടക്കം 150ല്‍പരം കലാകാരന്മാര്‍ അണിനിരക്കുന്ന വര്‍ണാഭമായ പുലിക്കളി ആഘോഷയാത്ര വൈകിട്ട് 6.30ന് നഗരസഭ മൈതാനത്ത് എത്തിച്ചേരും. പുലിക്കളി ആഘോഷ സമാപനം മന്ത്രി ഡോ. ആര്‍. ബിന്ദു ഉദ്ഘാടനം ചെയ്യും. നഗരസഭ വൈസ് ചെയര്‍മാന്‍ ടി.വി. ചാര്‍ളി, ലയണ്‍സ് ക്ലബ് ഇന്റര്‍നാഷണല്‍ 318 ഡി വൈസ് ഡിസ്ട്രിക്ട് ഗവര്‍ണര്‍മാരായ ജെയിംസ് പോള്‍ വളപ്പില, ടി. ജയകൃഷ്ണന്‍, റീജിയണ്‍ ചെയര്‍മാന്‍ പി.സി. ബിനോയ്, സോണ്‍ ചെയര്‍മാന്‍ റോയ് ജോസ് ആലുക്ക, ഇരി്ങാലക്കുട വെസ്റ്റ് ലയണ്‍സ് ക്ലബ് പ്രസിഡന്റ് സുരേഷ് കോവിലകം, ലെജന്റ്‌സ് ഓഫ് ചന്തക്കുന്ന് പ്രസിഡന്റ് ലിയോ താണിശ്ശേരിക്കാരന്‍ എന്നിവര്‍ പങ്കെടുക്കും.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
