അന്തിക്കാട് നടന്ന വധശ്രമകേസിലെ പ്രതികള്‍ അറസ്റ്റില്‍
ഇരിങ്ങാലക്കുട: അന്തിക്കാട് നടന്ന വധശ്രമകേസിലെ പ്രതികള്‍ അറസ്റ്റില്‍. പടിയം മുറ്റിച്ചൂര്‍ സ്വദേശികളായ പണിക്കവീട്ടില്‍ ഷിഹാബ്(28), കാഞ്ഞിരത്തിങ്കല്‍ വീട്ടില്‍ ഹിരത്ത് (22) എന്നിവരെയാണ് ജില്ലാ പോലീസ് മേധാവി ഐശ്വര്യ ദോഗ്രയുടെ നിര്‍ദേശ പ്രകാരം ഇരിങ്ങാലക്കുട ഡിവൈഎസ്പി ഇന്‍ ചാര്‍ജ് ടി.എസ്. സിനോജ്, അന്തിക്കാട് പോലീസ് ഇന്‍സ്‌പെക്ടര്‍ പി.കെ. ദാസ് എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്തത്. അറസ്റ്റിലായ ഷിഹാബും മുറ്റിച്ചൂര്‍ കട്ടല്‍വീട്ടില്‍ നിമേഷും ഹിരത്തിന്‍റെ വീട്ടില്‍ചെന്ന സമയത്ത് പൂര്‍വവൈരാഗ്യത്തിന്‍റെ പേരില് ഹിരത്ത് കത്തി കൊണ്ട് നിമേഷിനെ വയറ്റില്‍ പലതവണ കുത്തുകയായിരുന്നു. ഗുരുതരമായി പരിക്കേറ്റ നിമേഷ് തൃശൂരിലെ സ്വകാരയ ആശുപത്രിയില്‍ ചികിത്സയിലാണ്. പിടിയിലായ ഷിഹാബിന്‍റെ പേരില് അന്തിക്കാട് പോലീസ് സ്റ്റേഷനില്‍ 12, ചികിത്സയില്‍ കഴിയുന്ന നിമേഷിന് ആറും കേസുകള്‍ നിലവിലുണ്ട്. കാപ്പ പ്രകാരം തടങ്കലില്‍ ഷിഹാബ് തടവില്‍ ആയിരുന്നു. സബ് ഇന്‍സ്‌പെക്ടര്‍മാരായ ശ്രീഹരി, ബെനഡിക്ട്, അരുണ്‍, മറ്റ് ഉദ്യോഗസ്ഥരായ സരീഷ്, വിഷ്ണു എന്നിവരും അന്വേഷണ സംഘത്തില്‍ ഉണ്ടായിരുന്നു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
തളിക്കുളം ഹാഷിദ കൊലപാതകം; പ്രതിയായ ഭര്‍ത്താവിന് ജീവപര്യന്തം തടവിനും 1,51,500 രൂപ പിഴ ഒടുക്കുന്നതിനും ശിക്ഷ വിധിച്ചു 
മൂര്‍ക്കനാട് ഇരട്ട കൊലപാതക ക്കേസിലെ പ്രതിയെ കാപ്പ ചുമത്തി തടങ്കലിലാക്കി 
തളിക്കുളം ഹാഷിദ കൊലക്കേസ്: പ്രതിയായ ഭര്‍ത്താവ് കുറ്റക്കാരനെന്ന് കോടതി; വിധി വെള്ളിയാഴ്ച 
ആനീസ് കൊല ചെയ്യപ്പെട്ടിട്ട് ഇന്നേക്ക് അഞ്ച് വര്‍ഷം, പ്രതികള്‍ ഇന്നും കണാമറയത്ത് 
