ജനറല്‍ ആശുപത്രി കെട്ടിടത്തിനു 1.75 കോടിയുടെ നിര്‍മാണാനുമതി, പൂര്‍ത്തിയാകുന്നത് മൂന്നു നിലകള്‍
Warning: Attempt to read property "post_excerpt" on null in /var/www/wptbox/wp-content/themes/magnitude/inc/hooks/hook-single-header.php on line 109
ഇരിങ്ങാലക്കുട: സ്ഥലപരിമിതി മൂലം വീര്‍പ്പുമുട്ടുന്ന ജനറല്‍ ആശുപത്രിയില്‍ പുതിയ കെട്ടിടത്തിന്റെ നിര്‍മാണം പൂര്‍ത്തിയാക്കാന്‍ 1.75 കോടി രൂപയുടെ ഭരണാനുമതി. നിര്‍മാണം നടന്നുകൊണ്ടിരിക്കുന്ന കെട്ടിടത്തില്‍ ആവശ്യമായ സജീകരണങ്ങള്‍ ഒരുക്കുന്നതിനായാണു പ്രഫ. കെ.യു. അരുണന്‍ എംഎല്‍എയുടെ ആസ്തി വികസനഫണ്ടില്‍ നിന്നു തുക അനുവദിച്ചത്. കെട്ടിടത്തിലെ ലിഫ്റ്റ്, ഫയര്‍ സേഫ്റ്റി സംവിധാനങ്ങള്‍, 1.50 ലക്ഷം കപ്പാസിറ്റിയുള്ള ഫയര്‍ സേഫ്റ്റി സംപ് ടാങ്ക്, റീറ്റിനിംഗ് വാള്‍, ഇന്റര്‍ ലോക്കിംഗ് ടൈല്‍ വര്‍ക്കുകള്‍, സാനിറ്റേഷന്‍ വര്‍ക്കുകള്‍, അലുമിനിയം ഫാബ്രിക്കേഷന്‍, സ്‌റ്റൈയിന്‍ലസ് സ്റ്റീല്‍ ഹാന്‍ഡ് റെയില്‍ വര്‍ക്കുകള്‍, പെയിന്റിംഗ്, ശേഷിക്കുന്ന ഇലക്ട്രിഫിക്കേഷന്‍ വര്‍ക്കുകള്‍ എന്നിവ ഈ തുക ഉപയോഗിച്ച് പൂര്‍ത്തിയാക്കും. അഞ്ചു നിലകളിലായുള്ള കെട്ടിടത്തില്‍ താഴത്തെ മൂന്നുനിലകളുടെ പണിയാണു ഇപ്പോള്‍ തീര്‍ക്കുന്നത്. പുതിയ കെട്ടിടം സജ്ജമാകുന്നതോടെ കാഷ്വാലിറ്റി, ഒപി, ലാബ്, ഫാര്‍മസി, എക്‌സറേ യൂണിറ്റ് എന്നിവയെല്ലാം ഇങ്ങോട്ടേക്കുമാറും. മൂന്നാമത്തെ നിലയില്‍ വാര്‍ഡുകളാണു സജ്ജമാക്കുന്നത്. കാഷ്വാലിറ്റി കോംപ്ലക്‌സില്‍ മൈനര്‍ ഓപ്പറേഷന്‍ തിയേറ്റര്‍, ഒബ്‌സര്‍വേഷന്‍ മുറി എന്നിവ ഉള്‍പ്പെടുത്തിയിട്ടുണ്ട്. കഴിഞ്ഞ ഏപ്രില്‍ മുതല്‍ പുതിയ കെട്ടിടത്തില്‍ മെഡിസിന്‍ ഒപി വിഭാഗം പ്രവര്‍ത്തിക്കുന്നുണ്ട്. കേന്ദ്രസംസ്ഥാന സര്‍ക്കാരുകളുടെ ഫണ്ടുപയോഗിച്ചാണു കെട്ടിടം നിര്‍മാണം.
About Author
ഷ്വേൺസ്റ്റാട്ട് മാതാവിന്റെ തിരുനാൾ ആഘോഷങ്ങൾ നാളെ കാട്ടുങ്ങച്ചിറയിൽ 
ഒപ്പനച്ചുവടില്‍ ഇരട്ട മികവ്; ഡോ. രാജു ഡേവീസ് സ്‌കൂളും എസ്എന്‍ വിദ്യാഭവനും ഒന്നാമത് 
മാര്‍ഗംകളിയില്‍ മികവിന്റെ ചുവടുകള്‍; എസ്എന്‍ വിദ്യാഭവന് ഒന്നാം സ്ഥാനം 
വീട്ടിലെ ലൈബ്രറിയില്‍ ക്ലാസിക്കല്‍ സംഗീത പഠന ക്ലാസ് ആരംഭിച്ചു 
ഡല്‍ഹിയിലെ ജനാധിപത്യ ധ്വംസനത്തിനെതിരെ സിപിഐ പ്രതിഷേധ പ്രകടനം നടത്തി 
റവന്യൂ ജില്ലാ ശാസ്ത്രമേള സംഘാടക സമിതി രൂപീകരിച്ചു 
