പെട്രോള്‍ പമ്പില്‍ പെട്രോള്‍ വാങ്ങിക്കാനെത്തിയ ബൈക്കിലുണ്ടായ പടക്കം പൊട്ടിത്തെറിച്ചു
വീഡിയോ കാണുവാന്‍
https://www.facebook.com/share/v/1FLGfAt6rT/
ഇരിങ്ങാലക്കുട: പെട്രോള്‍ പമ്പില്‍ പെട്രോള്‍ വാങ്ങിക്കാനെത്തിയ ബൈക്കിലുണ്ടായ പടക്കം പൊട്ടിത്തെറിച്ചു. ഒഴിവായത് വന്‍ദുരന്തം. ഇന്നലെ രാവിലെ പത്തുമണിയോടെ ചേലൂരിലെ പെട്രോള്‍ പമ്പിലാണ് അപകടം നടന്നത്. കൈപ്പമംഗലം കൂരിക്കുഴി സ്വദേശികളായ രണ്ടുപേര്‍ ഇരിങ്ങാലക്കുടയില്‍ നിന്നും പടക്കം വാങ്ങി തിരികെ പോകുന്നതിനിടയില്‍ പെട്രോളടിക്കാന്‍ ചേലൂരിലുള്ള പെട്രോള്‍ പമ്പില്‍ കയറിയതായിരുന്നു. ബൈക്കിന്റെ ഹാന്‍ഡില്‍ ബാറില്‍ തൂക്കിയിട്ടിരുന്ന പടക്കം എന്‍ജിന്റെ ഭാഗത്തുനിന്നുള്ള സൈലന്‍സറില്‍ നിന്നും ചൂടേറ്റ് കവര്‍ ഉരുകി പടക്കങ്ങള്‍ പൊട്ടിത്തെറിക്കുകയായിരുന്നു. പെട്രോള്‍ പമ്പ് ജീവനക്കാര്‍ പെട്രോളടിക്കുന്നതിനായി പൈപ്പ് എടുക്കുന്നതിനിടയിലാണ് പൊട്ടിത്തെറി നടന്നത്. ഈ സമയം പെട്രോളടിക്കുവാന്‍ കാറും മറ്റും വാഹനങ്ങളും അവിടെ ഉണ്ടായിരുന്നു. പടക്കം പൊട്ടിയത് ജീവനക്കാരെയും പെട്രോള്‍ പമ്പില്‍ ഈ സമയം ഉണ്ടായിരുന്നവരെയും ഏറെ പരിഭ്രാന്തരാക്കി. ബൈക്ക് മറിഞ്ഞുവീണെങ്കിലും ജീവനക്കാരുടെ സമയോചിതമായ ഇടപെടല്‍ മൂലം അനിഷ്ട സംഭവങ്ങള്‍ ഒഴിവാക്കാന്‍ സാധിച്ചു. സ്‌ഫോടക വസ്തുക്കള്‍ അശ്രദ്ധമായി കൈകാര്യം ചെയ്തതിന് ബൈക്ക് യാത്രികരായ രണ്ടുപേര്‍ക്കെതിരെ ഇരിങ്ങാലക്കുട പോലീസ് കേസെടുത്തു. പിന്നീട് ഇവരെ ജാമ്യത്തില്‍ വിട്ടു. ബൈക്കോടിച്ചിരുന്ന കൈപ്പമംഗലം കൂരിക്കുഴി സ്വദേശി കൈതവളപ്പില്‍ മോഹനന്‍ (45), ബൈക്കിനു പിന്നില്‍ യാത്ര ചെയ്തിരുന്ന കൂരിക്കുഴി സ്വദേശി പള്ളത്ത് വീട്ടില്‍ ഉണ്ണികൃഷ്ണന്‍ (46) എന്നിവര്‍ക്കെതിരെയാണ് കേസ്.
About Author
ഇരിങ്ങാലക്കുട സെന്റ് തോമസ് കത്തീഡ്രലില്‍ സൈത്ത് വെഞ്ചിരിപ്പ് നടന്നു 
ലഹരി വിമുക്ത സമൂഹത്തിനായി ക്രൈസ്തവ യുവജനങ്ങള്‍ നടത്തുന്ന പ്രവര്‍ത്തനങ്ങള്‍ ഏറെ പ്രശംസനീയം: മന്ത്രി ഡോ. ആര്‍ ബിന്ദു 
ഇരിങ്ങാലക്കുട രൂപതയില്‍ വിശുദ്ധ വാരാചരണത്തിന് തുടക്കം കുറിച്ചു 
റെയില്‍വേ സ്റ്റേഷന്റെ വികസനം; സര്‍വകക്ഷി പ്രതിഷേധസംഗമം നടത്തി 
കെ.വി. രാമനാഥന്‍ അനുസ്മരണവും സാഹിത്യസമ്മാനസമര്‍പ്പണവും 
ഇവിടെ 365 ദിവസവും ദാഹജലം; വഴിയാത്രക്കാര്‍ക്ക് ദാഹജലമൊരുക്കി ജോണി താണിപ്പിള്ളി 
