ലഹരി വിമുക്ത സമൂഹത്തിനായി ക്രൈസ്തവ യുവജനങ്ങള്‍ നടത്തുന്ന പ്രവര്‍ത്തനങ്ങള്‍ ഏറെ പ്രശംസനീയം: മന്ത്രി ഡോ. ആര്‍ ബിന്ദു
ഇരിങ്ങാലക്കുട സെന്റ് തോമസ് കത്തീഡ്രല്‍ ഇടവകയിലെ യുവജനങ്ങളുടെ നേതൃത്വത്തില്‍ ലഹരിക്കെതിരെ സംഘടിപ്പിച്ച ഇരുചക്ര വാഹന റാലി ഉന്നത വിദ്യാഭ്യാസ വകുപ്പു മന്ത്രി ഡോ. ആര്‍ ബിന്ദു ഫ്ലാഗ് ഓഫ് ചെയ്യുന്നു. നഗരസഭ ചെയര്‍പേഴ്‌സണ്‍ മേരിക്കുട്ടി ജോയ്, ഇന്നസെന്റ് സോണറ്റ് എന്നിവര്‍ സമീപം.
ഇരിങ്ങാലക്കുട: ലഹരി വിമുക്ത സമൂഹത്തിനായി ക്രൈസ്തവ യുവജനങ്ങള്‍ നടത്തുന്ന പ്രവര്‍ത്തനങ്ങള്‍ ഏറെ മാതൃകാപരവും പ്രശംസനീയവുമാണെന്ന് ഉന്നത വിദ്യാഭ്യാസ വകുപ്പു മന്ത്രി ഡോ. ആര്‍ ബിന്ദു അഭിപ്രായപ്പെട്ടു. ഇരിങ്ങാലക്കുട സെന്റ് തോമസ് കത്തീഡ്രല്‍ ഇടവകയിലെ യുവജനസംഘടനകളുടെ നേതൃത്വത്തില്‍ ലഹരിക്കെതിരെ നടത്തുന്ന ബോധവത്കരണ പരിപാടികളുടെ ഭാഗമായി സംഘടിപ്പിച്ച ഇരു ചക്രവാഹന റാലി ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
ലഹരിയുടെ ഉപയോഗം കാന്‍സര്‍ രോഗത്തെ പോലെ മനുഷ്യനെയും സമൂഹത്തെയും മരണത്തിലേക്ക് നയിക്കുകയാണ്. യുവജനങ്ങളുടെ മനസും മസ്തികവും മരവിപ്പിച്ചും കര്‍മ്മശേഷിയും ഊര്‍ജ്ജ്വസ്വലതയും സര്‍ഗശേഷിയും കെടുത്തിക്കൊണ്ട് സാമൂഹ്യവിരുദ്ധ സ്വഭാവത്തിലേക്ക് നയിക്കുയാണ്. ലഹരിയുടെ ഉപയോഗം വഴി സാമൂഹിക പ്രതിബന്ധതയില്ലാത്ത യുവജനങ്ങളായി മാറുന്നതായാണ് സമീപകാല സംഭവങ്ങള്‍ സൂചിപ്പിക്കുന്നത്. ഇതിനെ പ്രതിരോധിക്കേണ്ട സമയം അതിക്രമിച്ചുവെന്നും അതിനായി ലഹരിക്കെതിരെ ഒറ്റക്കെട്ടായി നാം ഉണര്‍ന്നു പ്രവര്‍ത്തിക്കണമെന്നും മന്ത്രി കൂട്ടിചേര്‍ത്തു.
നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷത വഹിച്ചു. ഇന്നസെന്റ് സോണറ്റ് മുഖ്യാഥിതി ആയിരുന്നു. കത്തീഡ്രല്‍ അസിസ്റ്റന്റ് വികാരി ഫാ. ഓസ്റ്റിന്‍ പാറക്കല്‍, ഡയസ് തോട്ടാന്‍ എന്നിവര്‍ സംസാരിച്ചു. ഇരിങ്ങാലക്കുട നഗരസഭ ഓഫീസിനു മുന്നില്‍ നിന്നും ആരംഭിച്ച ഇരുചക്ര വാഹനറാലി ബസ്റ്റാന്റ്, ഠാണ ജംഗ്ഷന്‍ വഴി കത്തീഡ്രല്‍ അങ്കണത്തില്‍ സമാപിച്ചു.
About Author
താഴെക്കാട് തിരുന്നാള്‍; സ്വാഗതസംഘം ഓഫീസ് ഉദ്ഘാടനം ചെയ്തു 
ഠാണാ ജംഗ്ഷനിലെ നഗരസഭയുടെ ഉടമസ്ഥതയിലുള്ള കെട്ടിടം പൊളിച്ചു നീക്കുന്ന പണികള്‍ അവസാന ഘട്ടത്തില്‍ 
കൂടല്‍മാണിക്യം ക്ഷേത്രത്തില്‍ താമരക്കഞ്ഞി വഴിപാടിന് തിരക്ക് 
ഇരിങ്ങാലക്കുട രൂപതയില്‍ വിശുദ്ധ വാരാചരണത്തിന് തുടക്കം കുറിച്ചു 
റെയില്‍വേ സ്റ്റേഷന്റെ വികസനം; സര്‍വകക്ഷി പ്രതിഷേധസംഗമം നടത്തി 
നടവരമ്പ് സ്‌കൂളില്‍ നടന്ന പൂര്‍വവിദ്യാര്‍ഥി സംഗമം മന്ത്രി കെ. രാജന്‍ ഉദ്ഘാടനം ചെയ്തു 
