തീവ്ര വോട്ടര്പട്ടിക പരിഷ്ക്കരണം- കാട്ടൂരില് എല്ഡിഎഫ് പ്രതിഷേധ റാലിയും പൊതുസമ്മേളനവും നടത്തി
വോട്ടര് പട്ടിക തീവ്ര പുനപരിശോധനയ്ക്കായി കേന്ദ്ര ഇലക്ഷന് കമ്മീഷനും കേന്ദ്രസര്ക്കാരും നടത്തുന്ന നീക്കങ്ങള്ക്കെതിരെ എല്ഡിഎഫ് കാട്ടൂര് മണ്ഡലം കമ്മിറ്റി സംഘടിപ്പിച്ച പൊതുയോഗം കേരള കോണ്ഗ്രസ് എം ഇരിങ്ങാലക്കുട നിയോജക മണ്ഡലം പ്രസിഡന്റ് ടി.കെ. വര്ഗീസ് ഉദ്ഘാടനം ചെയ്യുന്നു.
കാട്ടൂര്: കേരളത്തിലെ താമസക്കാരായ സാധാരണ പൗരന്മാരുടെ പേരുകള് വോട്ടര് പട്ടികയില് ചേര്ക്കുന്നതിന് പൗരത്വ രേഖകള് ഹാജരാക്കണം തുടങ്ങിയ കഠിന നിയന്ത്രണങ്ങള് ജനാധിപത്യത്തിന്റെ ആത്യന്തിക അട്ടിമറിയിലേക്കാണ് നയിക്കുകയെന്ന് കേരള കോണ്ഗ്രസ് എം ഇരിങ്ങാലക്കുട നിയോജക മണ്ഡലം പ്രസിഡന്റ് ടി.കെ. വര്ഗീസ് പ്രസ്താവിച്ചു.
വോട്ടര് പട്ടിക തീവ്ര പുനപരിശോധനയ്ക്കായി കേന്ദ്ര ഇലക്ഷന് കമ്മീഷനും കേന്ദ്രസര്ക്കാരും നടത്തുന്ന നീക്കങ്ങള്ക്കെതിരെ ജനങ്ങളുടെ വോട്ടവകാശം സംരക്ഷിക്കുക എന്ന മുദ്രാവാക്യമുയര്ത്തി എല്ഡിഎഫ് കാട്ടൂര് മണ്ഡലം കമ്മിറ്റി സംഘടിപ്പിച്ച പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മരിച്ചവരുടെയും ഇരട്ട വോട്ടര്മാരുടെയും പേരുകള്ക്കൊപ്പം കുടിയേറ്റക്കാരുടെയും വിദേശികളുടെയും പേരുകള് നീക്കുന്നത് പൗരത്വ രജിസ്റ്റര് നടപ്പാക്കാന് ആണെന്ന് അദ്ദേഹം പറഞ്ഞു. പ്രകടനത്തിനുശേഷം ചേര്ന്ന് പൊതുയോഗത്തില് എം.ജെ. ബേബി അധ്യക്ഷത വഹിച്ചു. എന്.ബി. പവിത്രന്, മിഥുന് പൊട്ടോക്കാരന്, വിജീഷ്, ജൂലിയസ് ആന്റണി, റഷീദ് കാട്ടൂര്, ടി.വി. ലത, ബെന്നി പൊയ്യാറാ എന്നിവര് സംസാരിച്ചു.

ആള്ക്കൂട്ട അരാജകത്വത്തിനെതിരെ ഇരിങ്ങാലക്കുടയില് ബിജെപി തെരുവ് ജനസഭ സംഘടിപ്പിച്ചു
കാട്ടൂരിലെ സ്പിരിറ്റ് വേട്ട; അന്വേഷണം എക്സൈസ് അസി. കമ്മീഷണര്ക്ക്
ദേശീയ മാധ്യമദിന0; ക്രൈസ്റ്റ് കോളജ് മാധ്യമ ശില്പശാല സംഘടിപ്പിച്ചു
കെഎസ്ഇ ലിമിറ്റഡ് കമ്പനിയുടെ ആഭിമുഖ്യത്തില് വെസ്റ്റാ ബാലകലോത്സവം സംഘടിപ്പിച്ചു
കെസിവൈഎം ഇരിങ്ങാലക്കുട രൂപത വനിത വിംഗിന്റെ ആഭിമുഖ്യത്തില് ഇടം 2026 വനിതാ ക്യാമ്പ് സംഘടിപ്പിച്ചു
സോപാന സംഗീതോത്സവം സംഘടിപ്പിച്ചു