ജയിലില് വെച്ച് പരിചയപ്പെട്ടയാളെ കുത്തിക്കൊലപ്പെടുത്താന് ശ്രമിച്ച് പണവും മൊബൈലും കവര്ന്ന കേസിലെ പ്രതി അറസ്റ്റില്
ഫസല് (18)
ഇരിങ്ങാലക്കുട: ജയിലില് വെച്ച് പരിചയപ്പെട്ടയാളെ കുത്തിക്കൊലപ്പെടുത്താന് ശ്രമിച്ച് പണവും മൊബൈലും കവര്ന്ന കേസിലെ പ്രതി അറസ്റ്റില്. പുത്തന്ച്ചിറ കോവിലകത്ത്കുന്ന് സ്വദേശി അടയിനിപറമ്പില് വീട്ടില് ഫസല് (18) നെയാണ് അറസ്റ്റ് ചെയ്തത്. താണിശ്ശേരി സ്വദേശി പുതുപ്പാറ വീട്ടില് ഷാജി (49) കരൂപടന്നയില് വാടകയ്ക്ക് താമസിക്കുന്ന മുറിയില് നിന്നും പ്രതിയോട് ഇറങ്ങിപ്പോകാന് പറഞ്ഞതിലുള്ള വിരോധത്താല് മുറിയില് വച്ച് പ്രതി ഷാജിയെ മുഖത്തും തലയിലും കൈകൊണ്ട് ഇടിക്കുകയായിരുന്നു.
ഇടി കൊണ്ട് നിലത്തുവീണ ഷാജിയെ പ്രതി അവിടെയുണ്ടായിരുന്ന കത്തികൊണ്ട് ഇടതു കഴുത്തിലും വലതു ഷോള്ഡറിലും വലതു നെഞ്ചിന്റെ മുകള്ഭാഗത്തും ചുണ്ടിലും കുത്തി ഗുരുതര പരിക്കേല്പ്പിക്കുകയും ഷാജിയുടെ കൈ പുറകിലേക്കാക്കി തുണികൊണ്ട് കയ്യും കാലും വായും കെട്ടിയിട്ട് ഷാജിയുടെ 1500 രൂപ വില വരുന്ന മൊബൈല് ഫോണും 3000 രൂപ വില വരുന്ന രണ്ട് വാച്ചും പേഴ്സില് ഉണ്ടായിരുന്ന 4000 രൂപയും കവര്ച്ച ചെയ്യുകയായിരുന്നു.
കൊടുങ്ങല്ലൂര് മേഡേണ് ആശുപത്രിയില് ചികിത്സയില് കഴിയുന്ന ഷാജിയുടെ മൊഴി പ്രകാരം ഇരിങ്ങാലക്കുട പോലീസ് സ്റ്റേഷനില് കേസെടുത്തിരുന്നു. ഷാജി ഒക്ടോബര് 10 മുതല് ഒക്ടോബര് 31 വരെ ആളൂര് പോലീസ് സ്റ്റേഷനിലെ ഒരു കേസിലെ വാറണ്ട് പ്രകാരം ഇരിങ്ങാലക്കുട സബ് ജയിലില് കിടന്നിരുന്നു. ആ സമയം ജയിലില് വെച്ചാണ് പ്രതിയായ ഫസലിനെ പരിചയപ്പെടുന്നത്.
ഫസല് മാള പോലീസ് സ്റ്റേഷന് പരിധിയില് നിന്ന് 55000 രൂപയുടെ സ്കൂട്ടര് മോഷ്ടിച്ച കേസിലെ പ്രതിയാണ്. ഇരിങ്ങാലക്കുട പോലീസ് സ്റ്റേഷന് എസ്എച്ച്ഒ എം.കെ ഷാജി, എസ്ഐ എം.ആര് കൃഷ്ണപ്രസാദ്, ജി എസ് ഐ എം.എ മുഹമ്മദ് റാഷി, ജിഎഎസ്ഐ അന്വറുദ്ദീന്, ജി എസ് സി പി ഒ മാരായ എന് എം ഗിരീഷ്, ടി.ജെ സതീഷ്, സുജിത്ത് എന്നിവരാണ് അന്വേഷണ സംഘത്തിലുള്ളത്.

എസ്ബിഐ എടിഎം കൗണ്ടറിന്റെ ഗ്ലാസ് ഡോര് കല്ലെറിഞ്ഞ് തകര്ത്ത കേസിലെ പ്രതി അറസ്റ്റില്
ഓണ്ലൈന് ട്രേഡിംഗ് തട്ടിപ്പ്; ഒരാള് കൂടി അറസ്റ്റില്
തൃശൂര് റൂറല് ജില്ലാ പോലീസ് ജനമൈത്രി പോലീസിന്റെ പ്രസിഡന്റായി ടെല്സണ് കോട്ടോളി തെരഞ്ഞെടുക്കപ്പെട്ടു
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
പ്രഥമ സേവന് ജ്യോതി പുരസ്കാരം ഫാ. ജോണ് കവലക്കാട്ടിന്
കാട്ടൂരില് വന് സ്പിരിറ്റ് ശേഖരം പിടികൂടി; 3220 ലിറ്റര് സ്പിരിറ്റ് പിടിച്ചെടുത്തു. പ്രതിയെ ഉടന് പിടികൂടുമെന്ന് അന്വേഷണ സംഘം