തെരഞ്ഞെടുപ്പ്; സ്ട്രോംഗ് റൂമിലും പരിസരങ്ങളിലും പരിശോധന
സ്ട്രോംഗ് റൂമുകളില് ബോംബ്, ഡോഗ് സ്ക്വാഡുകള് പരിശോധന നടത്തുന്നു.
ഇരിങ്ങാലക്കുട: തദ്ദേശ സ്വയംഭരണ തെരഞ്ഞെടുപ്പില് ഉപയോഗിക്കുന്നതിനുള്ള ഇലക്ട്രോണിക് വോട്ടിംഗ് മെഷീനുകള് സൂക്ഷിച്ചിരിക്കുന്ന സ്ട്രോംഗ് റൂമുകളിലും പരിസരങ്ങളിലും ബോംബ് സ്ക്വാഡും ഡോഗ് സ്ക്വാഡും പരിശോധന നടത്തി. ഇലക്ട്രോണിക് വോട്ടിംഗ് മെഷീനുകളുടെ സുരക്ഷ ഉറപ്പുവരുത്തുന്നതിന്റെ ഭാഗമായി ജില്ലയിലെ വിവിധ സ്ഥലങ്ങളിലുള്ള സ്ട്രോംഗ് റൂമുകളിലും പരിസരങ്ങളിലുമാണ് തൃശൂര് റൂറല് പോലീസിന്റെ രണ്ട് സ്ക്വാഡുകള് ഒന്നാംഘട്ട സുരക്ഷാ പരിശോധനകള് പൂര്ത്തിയായത്.
പോളിങ്ങിന് മുന്പും ശേഷവും ഇവിഎമ്മുകള് സൂക്ഷിക്കുന്ന സ്ട്രോംഗ് റൂമുകളില് പതിവുപോലെത്തന്നെ കര്ശനമായ സുരക്ഷാ ക്രമീകരണങ്ങളാണ് ഏര്പ്പെടുത്തിയിട്ടുള്ളത്. സ്ട്രോംഗ് റൂമുകളുടെ സുരക്ഷയ്ക്കായി സായുധരായ പോലീസുദ്യോഗസ്ഥരെ ഗാര്ഡ് ഡ്യൂട്ടിക്കായി നിയോഗിച്ചിട്ടുണ്ട്. കൂടാതെ പ്രവേശന കവാടത്തിലും സ്ട്രോംഗ് റൂമുകളിലും പരിസരങ്ങളിലും മറ്റ് പ്രധാന ഭാഗങ്ങളിലും 24 മണിക്കൂറും സിസിടിവി നിരീക്ഷണവും ഉറപ്പാക്കിയിട്ടുണ്ട്.
തൃശൂര് റൂറല് ബോംബ് സ്ക്വാഡിലെ ജിഎസ്ഐ അജയഘോഷ്, ജിഎസ് സിപിഒ കമല്കൃഷ്ണ, സിപിഒ ബിലഹരി, തൃശൂര് റൂറല് കെ- നയന് സ്ക്വാഡിലെ ജിഎസ്ഐ വേണുഗോപാലന്, ജിഎസ് സിപിഒ സുജീഷ്, സിപിഒ ബിപിന്ദാസ് എന്നിവര് ചേര്ന്നാണ് പരിശോധനകള് നടത്തിയത്. തൃശൂര് റൂറല് കെ- നയന് സ്ക്വാഡിലെ ഡോഗ് സ്വീറ്റിയാണ് പരിശോധനയില് പങ്കെടുത്തത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
തദ്ദേശ തെരഞ്ഞെടുപ്പ്; റൂറല് ജില്ലയില് സുരക്ഷ ക്രമീകരണങ്ങള് ശക്തമാക്കി 
തൃശൂര് ജില്ലാ പഞ്ചായത്ത് കാട്ടൂര് ഡിവിഷന് സ്ഥാനാര്ഥി കൃപേഷ് ചെമ്മണ്ടയുടെ മൂന്നാം ഘട്ടപ്രചാരണം 
ഭാര്യാ പിതാവിനെ വീട്ടില് കയറി ആക്രമിച്ച കേസില് സ്റ്റേഷന് റൗഡികളായ സഹോദരങ്ങള് അറസ്റ്റില് 
സെന്റ് ജോസഫ്സ് കോളജ് യൂണിയന് ദിനാഘോഷവും ഫൈന് ആര്ട്സ് ഉദ്ഘാടനവും സംഘടിപ്പിച്ചു 
ഇരിങ്ങാലക്കുട നഗരസഭ 12-ാം വാര്ഡ് ഗാന്ധിഗ്രാം നോര്ത്തിലെ യുഡിഎഫ് സ്ഥാനാര്ഥി പ്രേമ പാറയില് മൂന്നാംഘട്ട ഗൃഹസന്ദര്ശനം പൂര്ത്തിയാക്കി 
ദിന്നശേഷി ദിനാചരണം ഫ്ലാഷ് മോബ് നടത്തി 
