മെഴുകുതിരി വിപ്ലവം വിജയിച്ചു. കാലം കാത്തുവെച്ച പ്രതികാരം… നഗരസഭ 18ാം വാര്ഡ് ചന്തക്കുന്നില് ജോസഫ് ചാക്കോ വിജയിച്ചു
നഗരസഭയില് ഏറ്റവും കൂടുതല് ഭൂരിപക്ഷം സ്വതന്ത്ര സ്ഥാനാര്ഥി ജോസഫ് ചാക്കോക്ക്
ഇരിങ്ങാലക്കുട: നഗരസഭ 18ാം വാര്ഡ് ചന്തക്കുന്നില് സ്വതന്ത്രസ്ഥാനാര്ഥിയായി മത്സരിച്ച ജോസഫ് ചാക്കോ വന്ഭൂരിപക്ഷത്തിനാണ് വിജയിച്ചത്. യുഡിഎഫിന്റെ പാനലില് കേരള കോണ്ഗ്രസ് ജോസഫ് വിഭാഗമാണ് ഔദ്യോഗികമായി മത്സരിച്ചത്. ജോസഫ് ചാക്കോക്ക് 458 വോട്ടാണ് ലഭിച്ചപ്പോള് കേരള കോണ്ഗ്രസ് വിഭാഗം സ്ഥാനാര്ഥി ലാസര് കോച്ചേരിക്ക് 81 വോട്ട് മാത്രമാണ് കിട്ടിയത്. 2005ല് ഈ വാര്ഡില് യുഡിഎഫിന്റെ ഔദ്യോഗിക സ്ഥാനാര്ഥിയായി മത്സരിച്ച ഷാജന് ചക്കാലക്കലിനെ 19 വോട്ടുകള്ക്കാണ് റിബല് സ്ഥാനാര്ഥിയായി മത്സരിച്ച റോക്കി ആളൂക്കാരന് പരാജയപ്പെടുത്തിയത്. ഇതോടെ ഈ വാര്ഡ് യുഡിഎഫിന്റെ ഘടകകക്ഷിയായ കേരള കോണ്ഗ്രസിന് മാറ്റിവെക്കേണ്ടിവന്നു.
2010ലും 2015ലും 2020ലും യുഡിഎഫ് ഘടകകക്ഷിയായ കേരള കോണ്ഗ്രസ് വിഭാഗമാണ് ഇവിടെ മത്സരിച്ചത്. ഇവരെല്ലാവരും വന്ഭൂരിപക്ഷത്തില് വിജയിച്ചിരുന്നു. ഈ വര്ഷം കോണ്ഗ്രസിന് ഈ വാര്ഡ് തിരികെ വേണമെന്ന് കോണ്ഗ്രസ് അവകാശമുന്നയിച്ചുവെങ്കിലും ലഭിച്ചിരുന്നില്ല. ഈ സാഹചര്യത്തിലാണ് കോണ്ഗ്രസ് മുന് മണ്ഡലം പ്രസിഡന്റ് ജോസഫ് ചാക്കോ മെഴുകുതിരി ചിഹ്നത്തില് മത്സരരംഗത്തിറങ്ങിയത്. വാര്ഡിലെ മുഴുവന് കോണ്ഗ്രസ് പ്രവര്ത്തകരും സജീവമായി ജോസഫ് ചാക്കോയുടെ വിജയത്തിനായി പ്രവര്ത്തിച്ചിരുന്നു.
ജോസഫ് ചാക്കോ ഈ വാര്ഡില് വിജയിച്ചതോടെ കേരള കോണ്ഗ്രസിന് കാലങ്ങള്ക്കുശേഷം മധുരപ്രതികാരം നല്കുകയായിരുന്നു. വിജയിച്ച ജോസഫ് ചാക്കോയെ വോട്ടെണ്ണല് കേന്ദ്രമായ സെന്റ് ജോസഫ്സ് കോളജിന് മുന്നില് കോണ്ഗ്രസ് പ്രവര്ത്തകര് തന്നെയാണ് ഷാളണിയിച്ച് സ്വീകരിച്ചത്. തന്റെ വാര്ഡിലെ മുഴുവന് ജനങ്ങളുടെയും ക്ഷേമത്തിനായി പ്രവര്ത്തിക്കുമെന്നും വാര്ഡിന്റെ വികസനം സാധ്യമാക്കുമെന്നും ജോസഫ് ചാക്കോ പറഞ്ഞു.
വിജയാഹ്ലാദപ്രകടനത്തിന് തെരഞ്ഞെടുപ്പ് കമ്മിറ്റി ചെയര്മാന് ഈനാശു നെടുമ്പാക്കാരന്, കണ്വീനര് അഡ്വ. ഹോബി ജോളി, ഷാജു പാറേക്കാടന്, ജോസഫ് മാളിയേക്കല്, ലിയോ കോമ്പാറക്കാരന്, രവി ആനന്ദത്തുപറമ്പില്, ജോസ് വള്ളിവട്ടത്തുകാരന്, മണി മാമ്പിള്ളി, ബെന്നി ആലുക്കല്, പൗലോസ് താണിശേരിക്കാരന്, ജോഷി പള്ളിപ്പാടന്, തോമസ് കാട്ടൂക്കാരന്, ജോസഫ് കണ്ടംകുളത്തി, ജെയിംസ് ചക്കാലക്കല്, ജോയ് അറയ്ക്കപ്പാടന്, ഗീത ബിനോയ് തുടങ്ങിയവര് നേതൃത്വം നല്കി. വൈകീട്ട് കോണ്ഗ്രസ് സംഘടിപ്പിച്ച വിജയാഹ്ളാദ പ്രകടനത്തിലും ജോസഫ് ചാക്കോ പങ്കെടുത്തിരുന്നു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ക്രൈസ്റ്റ് നഗര് റെസിഡന്റ്സ് അസോസിയേഷന് വാര്ഷികം 
ഷണ്മുഖം കനാലില് പുളിക്കെട്ട്: ആവശ്യം ശക്തമാകുന്നു 
മാപ്രാണം ഹോളിക്രോസ് തീര്ത്ഥാടന ദേവാലയത്തില് അമ്പ് തിരുന്നാളിനു കൊടികയറി 
കടുപ്പശ്ശേരി തിരുഹൃദയ ദേവാലയത്തിലെ വിശുദ്ധ സെബസ്ത്യാനോസിന്റെ അമ്പുതിരുനാളിനോടനുബന്ധിച്ച് കൊടിയേറ്റം 
ഇരിങ്ങാലക്കുട റെയില്വേ സ്റ്റേഷനു സമീപം ബൈക്കുകള് കത്തിനശിച്ചു. ഒന്നര വര്ഷം പിന്നീട്ടട്ടും അന്വേഷണം എങ്ങുമെത്തിയില്ല 
കാലിക്കറ്റ് സര്വ്വകലാശാല കൊമേഴ്സില് പിച്ച്ഡി നേടി 
