വര്ണ്ണക്കുട 2025; സ്വാഗതസംഘം ഓഫീസ് ഉദ്ഘാടനം ചെയ്തു
സാംസ്കാരിക ഉത്സവമായ വര്ണ്ണക്കുട 2025 ന്റെ സ്വാഗതസംഘം ഓഫീസ് പ്രശസ്ത കഥകളി ആചാര്യന് കലാനിലയം രാഘവന് ആശാന് ഉദ്ഘാടനം ചെയ്യുന്നു.
ഇരിങ്ങാലക്കുട: ഇരിങ്ങാലക്കുടയുടെ സാംസ്കാരിക ഉത്സവമായ വര്ണ്ണക്കുട 2025 ന്റെ സ്വാഗതസംഘം ഓഫീസ് പ്രശസ്ത കഥകളി ആചാര്യന് കലാനിലയം രാഘവന് ആശാന് ഉദ്ഘാടനം ചെയ്തു. ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു ചടങ്ങില് അധ്യക്ഷത വഹിച്ചു. 26 മുതല് 30 വരെ മുനിസിപ്പല് മൈതാനിയില് അഞ്ച് ദിവസങ്ങളിലായാണ് വര്ണ്ണക്കുട 2025 സംഘടിപ്പിക്കുന്നത്.
26ന് കൊരമ്പ് മൃദംഗകളരി അവതരിപ്പിക്കുന്ന മൃദംഗമേളയോടെ വര്ണ്ണകുടക്ക് തുടക്കമാകും. കേരള കലാമണ്ഡലം അവതരിപ്പിക്കുന്ന എന്റെ കേരളം നൃത്തശില്പം, ഇന്ദുലേഖ ജയരാജ് വാര്യരുടെ നേതൃത്വത്തില് നടക്കുന്ന സംഗീത പരിപാടി, ര-ഗ-സ ബാന്റ് സംഗീത സന്ധ്യ, പ്രശസ്ത ചലച്ചിത്രതാരം ആശ ശരത്ത് അവതരിപ്പിക്കുന്ന നൃത്തപരിപാടി, കഥകളി, പ്രശസ്ത പിന്നണി ഗായിക പുഷ്പവതിയുടെ സംഗീത പരിപാടി, ബംഗാളി കലാരൂപമായ പുരുളിയ ചാവ്, പ്രശസ്ത ഗസല് ഗായകന് ഷബാസ് അമന് അവതരിപ്പിക്കുന്ന ഗസല് സന്ധ്യ, മണിപ്പൂരി ഡാന്സ്, താമരശേരി ചുരം ബാന്റ് അവതരിപ്പിക്കുന്ന സംഗീതനിശ എന്നിങ്ങനെ വിവിധ പരിപാടികള് വര്ണ്ണക്കുട മൂന്നാം എഡിഷന് വേദിയെ വര്ണ്ണാഭമാക്കും.
30 ന് വര്ണ്ണക്കുടയുടെ സമാപന ചടങ്ങില് ഇന്നസെന്റ് സ്മാരക പുരസ്കാരം ജൂറി തെരഞ്ഞെടുക്കുന്ന ഒരു ചലച്ചിത്ര താരത്തിനും പി. ജയചന്ദ്രന് സ്മാരക പുരസ്കാരം ജൂറി തെരഞ്ഞെടുക്കുന്ന ഒരു ചലച്ചിത്ര സംഗീത സംവിധായകനും ഗായകനും സമ്മാനിക്കും. സ്വാഗതസംഘം ഓഫീസ് ഉദ്ഘാടന ചടങ്ങില് വര്ണ്ണക്കുട ജനറല് കണ്വീനറും ജില്ലാ പഞ്ചായത്ത് മെമ്പറുമായ ജോസ് ജെ. ചിറ്റിലപ്പിള്ളി, ഇരിങ്ങാലക്കുട നഗരസഭാ കൗണ്സിലര് എം.പി. ജാക്സണ്, ജില്ലാ പഞ്ചായത്ത് അംഗം ടി.കെ. സുധീഷ്, മുകുന്ദപുരം താഹസില്ദാര് സിമീഷ് സാഹു, നഗരസഭാ കൗണ്സിലര്മാരായ കെ.എസ്. പ്രസാദ്, വിനീത എന്നിവര് പ്രസംഗിച്ചു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
കരാഞ്ചിറ സെന്റ് ഫ്രാന്സിസ് സേവിയേഴ്സ് ദേവാലയത്തില് അമ്പ് തിരുനാള് 
കോണ്ഗ്രസ് ഇരിങ്ങാലക്കുട നിയോജകമണ്ഡലം കമ്മിറ്റിയുടെ നേതൃത്വത്തില് വിജയോത്സവം സംഘടിപ്പിച്ചു 
അന്തര്ജില്ലാ മോഷണ സംഘത്തിലെ കണ്ണികളായ നിരവധി മോഷണക്കേസിലെ പ്രതികളായ അഞ്ചു പേര് അറസ്റ്റില് 
ബാറില് ആക്രമണം നടത്തിയത് ചോദ്യം ചെയ്തതിലുള്ള വൈരാഗ്യത്താല് ബിയര് കുപ്പി കൊണ്ട് ആക്രമിച്ച് പരിക്കേല്പ്പിച്ച കേസില് സ്റ്റേഷന് റൗഡിയും കൂട്ടാളികളും അറസ്റ്റില് 
ഭാരതത്തിന്റെ നൈതിക മൂല്യങ്ങള് വിദ്യാഭ്യാസത്തില് പ്രതിഫലിക്കണം: പ്രഫ. മനീഷ് ആര്. ജോഷി 
മെഡിസെപ്പ് പ്രീമിയം കൂട്ടിയത് പിന്വലിക്കണം- കെഎസ്എസ്പിഎ