എങ്ങും സ്ഥാനാർഥി ബാഹുല്യം നഗരസഭയിൽ 148 സ്ഥാനാർഥികൾ

November 27, 2020

Social media

ഇരിങ്ങാലക്കുട: തദ്ദേശ തെരഞ്ഞെടുപ്പിൽ സ്ഥാനാർഥികളുടെ പത്രിക പിൻവലിക്കുവാനുള്ള സമയം കഴിഞ്ഞതോടെ വാർഡുകളിൽ തെരഞ്ഞെടുപ്പിന്റെ ചിത്രം വ്യക്തമായി. ഇരിങ്ങാലക്കുട നഗരസഭയിൽ 41 വാർഡുകളിലായി 148 സ്ഥാനാർഥികളാണ് മൽസര രംഗത്തുള്ളത്. ഏഴു സ്ഥാനാർഥികൾ മൽസരിക്കുന്ന മാപ്രാണം ഹോളിക്രോസ് ചർച്ച് ആറാം വാർഡിലാണ് ഏറ്റവും കൂടുതൽ സ്ഥാനാർഥികൾ. വേളൂക്കര പഞ്ചായത്തിൽ 18 വാർഡുകളിലായി 64 സ്ഥാനാർഥികളാണു മൽസര രംഗത്തുള്ളത്. മുരിയാട് പഞ്ചായത്തിൽ 17 വാർഡുകളിലായി 60 സ്ഥാനാർഥികളും കാട്ടൂരിൽ 14 വാർഡുകളിലായി 47 സ്ഥാനാർഥികളും മൽസരിക്കുന്നുണ്ട്. 14 വാർഡുകളുള്ള പടിയൂരിൽ 42 സ്ഥാനാർഥികളും 15 വാർഡുകളുള്ള കാറളം പഞ്ചായത്തിൽ 52 സ്ഥാനാർഥികളും മൽസര രംഗത്തുണ്ട്. പൂമംഗലം പഞ്ചായത്തിലെ 13 വാർഡുകളിലായി 46 സ്ഥാനാർഥികളും ആളൂർ പഞ്ചായത്തിലെ 23 വാർഡുകളിലായി 83 സ്ഥാനാർഥികളും മൽസരരംഗത്തുണ്ട്.