ഹയര് സെക്കന്ഡറിയില് അനധ്യാപകരെ നിയമിക്കണം: കെഎഎസ്എന്ടിഎസ്എ
ഇരിങ്ങാലക്കുട: ഹയര് സെക്കന്ഡറി സ്കൂളുകളില് അനധ്യാപകരെ ഉടന് നിയമിക്കണമെന്നു കേരള എയ്ഡഡ് സ്കൂള് നോണ് ടീച്ചിംഗ് സ്റ്റാഫ് അസോസിയേഷന് ഇരിങ്ങാലക്കുട വിദ്യാഭ്യാസ ജില്ലാ സമ്മേളനം ആവശ്യപ്പെട്ടു. സ്കൂളിലെ അനധ്യാപകരെകൊണ്ടു ഹയര് സെക്കന്ഡറിയിലെ ജോലികള് ചെയ്യിക്കരുതെന്നും യോഗം ആവശ്യപ്പെട്ടു. ഇ.ടി. ടൈസണ് എംഎല്എ സമ്മേളനം ഉദ്ഘാടനം ചെയ്തു. അസോസിയേഷന് ജില്ലാ പ്രസിഡന്റ് സജിന് ആര്. കൃഷ്ണന് അധ്യക്ഷത വഹിച്ചു. സംസ്ഥാന പ്രസിഡന്റ് തോമസ് മാത്യു മുഖ്യപ്രഭാഷണം നടത്തി. വാര്ഡ് മെമ്പര് ശീതള് പ്രസാദ്, സ്കൂള് മാനേജര് ലോലിത, ഹെഡ്മാസ്റ്റര് ഒ.സി. മുരളീധരന്, പി.ആര്. പ്രേംജി, എ.സി. സുരേഷ്, ജില്ലാ സെക്രട്ടറി പി.എ. ബിജു, സംസ്ഥാന ജനറല് സെക്രട്ടറി എന്.വി. മധു, സി.സി. ഷാജു, കെ.ഡി. ജെസി എന്നിവര് പ്രസംഗിച്ചു. ചടങ്ങില് സര്വീസില് നിന്നും വിരമിച്ച അനധ്യാപകരെ ആദരിച്ചു. എസ്എസ്എല്സി, പ്ലസ്ടു പരീക്ഷകളില് ഉന്നത വിജയം നേടിയ ജീവനക്കാരുടെ മക്കളെ യോഗം അനുമോദിച്ചു. പുതിയ ഭാരവാഹികളായി സജിന് ആര്. കൃഷ്ണന് (പ്രസിഡന്റ്), പി.എ. ബിജു (വൈസ് പ്രസിഡന്റ്), പി.ആര്. ബാബു (സെക്രട്ടറി), അജിത് കുമാര് (ജോയിന്റ് സെക്രട്ടറി), ടി.വി. ദിലീപ് (ട്രഷറര്), പി. ജീന രാജ് (വനിതാ ഫോറം കണ്വീനര്) എന്നിവരെ തെരഞ്ഞെടുത്തു.

ഉപജില്ല കലോത്സവത്തില് എല്പി വിഭാഗത്തില് ഓവറോള് രണ്ടാം സ്ഥാനം നേടി അവിട്ടത്തൂര് ഹോളി ഫാമിലി എല്പി സ്കൂൾ
സെന്റ് ആന്റണീസ് ഹയര്സെക്കന്ഡറി സ്കൂളില് സ്മാര്ട്ട് ക്ലാസുകളുടെ ഉദ്ഘാടനം നടത്തി
മുകുന്ദപുരം പബ്ലിക് സ്കൂളില് എഎസ്ഐഎസ്സി സോണ് ഇ റീജിയന് കള്ച്ചറല് ഫെസ്റ്റ് ഇതിഹയ്ക്ക് ഉജ്ജ്വല തുടക്കം
ആരോഗ്യത്തിന്റെയും കായികക്ഷമതയുടെയും സന്ദേശവുമായി കാര്ഡിയോ ഫ്യൂഷന്
ഇരിങ്ങാലക്കുട സെന്റ് ജോസഫ്സ് കോളജിലെ കൊമേഴ്സ് വിഭാഗം ദേശീയ ശില്പശാല സംഘടിപ്പിച്ചു
ക്രൈസ്റ്റ് കോം ക്വിസ് 2026 മൂന്നാം പതിപ്പ് ക്രൈസ്റ്റ് കോളജില് സംഘടിപ്പിച്ചു