കൊറോണയോടൊപ്പം ഡെങ്കിപ്പനിയും, മുരിയാട് ജാഗ്രതയില്‍……
ഇരിങ്ങാലക്കുട: കൊറോണ വ്യാപനം കൂടുന്നതിനിടയില്‍ ഡെങ്കിപ്പനിയും സ്ഥിരീകരിച്ചതോടെ മുരിയാട് പഞ്ചായത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി. കഴിഞ്ഞ ദിവസം മൂന്നു പേര്‍ക്കാണു ഡെങ്കിപ്പനി സ്ഥിരീകരിച്ചത്. നിലവില്‍ 71 പേരാണു കോവിഡ് രോഗികളായുള്ളത്. ഇതില്‍ എട്ടുപേര്‍ ആശുപത്രിയിലും 63 പേര്‍ വീടുകളിലുമാണു കഴിയുന്നത്. മുരിയാട് സെന്റര്‍ ഉള്‍പ്പെടുന്ന ഏഴാം വാര്‍ഡിലെ മൂന്നു പേര്‍ക്കാണു ഡെങ്കിപ്പനി സ്ഥിരീകരിച്ചത്. മഴക്കാലത്തു പടരുന്ന ഡെങ്കി രോഗം വേനല്‍കാലത്ത് പിടിപ്പെട്ടതാണു ജനങ്ങളെ ആശങ്കയിലാക്കിയത്. രോഗം സ്ഥിരീകരിച്ചതോടെ പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി, വാര്‍ഡ് അംഗം സരിത സുരേഷ് എന്നിവരുടെ നേതൃത്വത്തില്‍ പ്രതിരോധ പ്രവര്‍ത്തനങ്ങള്‍ സജീവമാക്കി. അഞ്ച്, ഏഴു എന്നീ വാര്‍ഡുകളില്‍ വെള്ളം കെട്ടി കിടക്കുന്ന സ്ഥലങ്ങളെല്ലാം ശുചീകരിച്ചു. നാലു പേര്‍ വീതമുള്ള സംഘങ്ങള്‍ ബോധവത്കരണത്തിന്റെ ഭാഗമായി പഞ്ചായത്തിലെ 7000 വീടുകളില്‍ ലഘുലേഖകള്‍ വിതരണം ചെയ്തു.
About Author
ആളൂര്‍ പൊലിസ് സ്റ്റേഷന്‍ നിര്‍മാണത്തിന് ഭൂമി ഒരുങ്ങി 
തൃശൂര്‍ കൊടുങ്ങല്ലൂര്‍ റോഡ്; ചിറവളവിലെ 190 മീറ്റര്‍ ഭാഗം ഇന്ന് കോണ്‍ക്രീറ്റിംഗ് തുടങ്ങും 
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
കുട്ടന്‍കുളം നവീകരണം വീണ്ടും തുടങ്ങുന്നു; മാര്‍ച്ചില്‍ പൂര്‍ത്തിയാക്കും 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
സാവിത്രി വധം: കുറ്റവാളിക്ക് പരമാവധി ശിക്ഷ വാങ്ങി നല്‍കുമെന്ന് മന്ത്രി രമേശ് ചെന്നിത്തല 
