അബ്ദുള്‍ഖാദറിന് ഒടുവില്‍ ‘സ്‌നേഹതീരം’ പ്രവര്‍ത്തകരുടെ കൈത്താങ്ങ്
ഇരിങ്ങാലക്കുട: ഏറ്റെടുക്കാനാളില്ലാതെ ആശുപത്രിയില്‍ കഴിഞ്ഞിരുന്ന വയോധികന് ഒടുവില്‍ സ്‌നേഹതീരം ചാരിറ്റബിള്‍ സൊസൈറ്റിയുടെ കൈത്താങ്ങ്. ഇഞ്ചക്കുണ്ട് സ്വദേശിയായ അബ്ദുല്‍ഖാദറിനെയാണ് സ്‌നേഹതീരം ചാരിറ്റബിള്‍ സൊസൈറ്റി പ്രവര്‍ത്തകര്‍ ഇടപെട്ട് ഇരിങ്ങാലക്കുട പ്രൊവിഡന്‍സ് ഹൗസില്‍ എത്തിച്ചത്. വാര്‍ധക്യ സഹജമായ അസുഖങ്ങളെത്തുടര്‍ന്ന് ഒരുമാസത്തിലേറെയായി ഇരിങ്ങാലക്കുട ജനറല്‍ ആശുപത്രിയില്‍ ചികിത്സയിലായിരുന്നു അബ്ദുള്‍ഖാദര്‍. ഏറ്റെടുക്കാന്‍ ആരുമില്ലാത്ത ഇയാളെക്കുറിച്ച് ആശുപത്രിയില്‍ നിന്നാണ് സ്‌നേഹതീരം ചാരിറ്റിബിള്‍ സൊസൈറ്റി പ്രവര്‍ത്തകര്‍ അറിഞ്ഞത്. തുടര്‍ന്ന് അന്വേഷിച്ചശേഷം പ്രൊവിഡന്‍സ് ഹൗസുമായി ബന്ധപ്പെട്ടു. പ്രൊവിഡന്‍സ് ഹൗസ് മാനേജര്‍ ബ്രദര്‍ ഗില്‍ബര്‍ട്ട്, സ്‌നേഹതീരം ചാരിറ്റബിള്‍ സൊസൈറ്റി പ്രസിഡന്റ് എം.കെ. വറുതുണ്ണി, സൈമണ്‍ കാട്ടൂക്കാരന്‍, ഷിബു കാച്ചപ്പിള്ളി, ജോസഫ് പള്ളായി, പി.പി. അബ്രഹാം എന്നിവരുടെ നേതൃത്വത്തില്‍ ആശുപത്രിയിലെത്തി അബ്ദുള്‍ഖാദറെ ഏറ്റെടുത്തു.
About Author
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
നവജാതശിശു സംരക്ഷണ വാരാചരണത്തിന് തുടക്കമായി 
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
ഇരിങ്ങാലക്കുട ടൗണ്‍ ലയണ്‍സ് ക്ലബ്ബ് വാക്കറുകള്‍ ഹൃദയ പാലിയേറ്റീവ് കെയറിന് വിതരണം ചെയ്തു 
ആശുപത്രിയിലും കുരുന്നുകള്‍ക്ക് ശിശുദിനത്തില്‍ സാന്ത്വനമേകാന്‍ കാറളം വിഎച്ച്എസ്ഇയിലെ എന്‍എസ്എസ് വളണ്ടിയേഴ്‌സ് 
സെന്റ് വിന്‍സെന്റ് ഡിആര്‍സി ഹോസ്പിറ്റലില്‍ സൗജന്യ ചികിത്സാ നിര്‍ണയ ക്യാമ്പ് നടത്തി 
