റോഡിന്റെ സൈഡില്‍ കക്കൂസ് മാലിന്യം തള്ളുന്നതായി പരാതി

ഇരിങ്ങാലക്കുട: മൂന്നുപീടിക റോഡില്‍ ചെട്ടിയാലിനും കാക്കാത്തുരുത്തിക്കും ഇടയിലുള്ള റോഡിന്റെ സൈഡില്‍ കക്കൂസ് മാലിന്യം ഒഴുക്കിവിടുന്നു. റോഡിന്റെ ഇരുവശത്തുമുള്ള തോട്ടിലേക്കാണ് മാലിന്യങ്ങള്‍ രാത്രിയില്‍ ഒഴുക്കിവിടുന്നത്. ഈ പ്രദേശങ്ങളില്‍ കാമറ ഇല്ലാത്തതുമൂലം മാലിന്യങ്ങള്‍ തള്ളുന്നത് ആരാണെന്ന് വ്യക്തമല്ല. ഈ തോടുകളില്‍ മാലിന്യം തട്ടുന്നത് കൊണ്ട് വീടുകളുടെ കിണറ്റില്‍ പോലും ഇതിന്റെ അംശം വരുമെന്നാണ് പ്രദേശവാസികള്‍ പറയുന്നത്. ഈ തോടുകളിലുള്ള വെള്ളം ഒഴുകിചെല്ലുന്നത് കാക്കാത്തുരുത്തി പുഴയിലേക്കാണ്. അധികാരികള്‍ക്ക് പരാതി നല്‍കിയിട്ടും ഇതുവരെ ഒരു നടപടിയും ഉണ്ടായില്ലെന്ന് പരിസരവാസികള്‍ പറയുന്നു.

About Author

ijknews

See author's posts