പോക്‌സോ കേസില്‍ പ്രതിക്ക് അഞ്ചുവര്‍ഷം തടവും പിഴയും ശിക്ഷ
ഇരിങ്ങാലക്കുട: പ്രായപൂര്‍ത്തിയാകാത്ത ബാലികയോട് ലൈംഗികാതിക്രമം കാട്ടിയ കേസില്‍ പ്രതിക്ക് കോടതി തടവും പിഴയും ശിക്ഷ വിധിച്ചു. മറ്റത്തൂര്‍ വില്ലേജ് ഒമ്പതുങ്ങല്‍ സ്വദേശി മംഗലത്ത് വീട്ടില്‍ മണി എന്ന മണിക്കുട്ട (45) നാണ് ഇരിങ്ങാലക്കുട പോക്‌സോ ഫാസ്റ്റ് ട്രാക്ക് സ്‌പെഷ്യല്‍ കോടതി ജഡ്ജി കെ.പി. പ്രദീപ്കുമാര്‍ അഞ്ചുവര്‍ഷം തടവും പതിനായിരം രൂപ പിഴയും ശിക്ഷ വിധിച്ചത്. പിഴയടയ്ക്കാത്തപക്ഷം മൂന്നുമാസം ജയില്‍ശിക്ഷ കൂടുതല്‍ അനുഭവിക്കണം. പിഴത്തുകയില്‍ 8000 രൂപ അതിജീവിതയ്ക്ക് നല്‍കാനും കോടതി വിധിച്ചു. അയല്‍വാസിയായ 11 വയസുള്ള ബാലികയെ വീട്ടിലേക്ക് കൂട്ടിക്കൊണ്ടുപോയി ലൈംഗികാതിക്രമം കാണിച്ചുവെന്നാണ് കേസ്. വെള്ളിക്കുളങ്ങര പോലീസ് സ്റ്റേഷന്‍ സബ് ഇന്‍സ്‌പെക്ടര്‍ ആയിരുന്ന എം.ബി. സിബിന്‍ എഫ്‌ഐആര്‍ രജിസ്റ്റര്‍ ചെയ്ത കേസില്‍ അന്നത്തെ സര്‍ക്കിള്‍ ഇന്‍സ്‌പെക്ടര്‍ ആയിരുന്ന കെ. സുമേഷ് ആണ് അന്വേഷണം നടത്തിയത്. കേസില്‍ പ്രോസിക്യൂഷനുവേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ കെ.എന്‍. സിനിമോള്‍ ഹാജരായി.
About Author
പുല്ലൂര്‍ സേക്രഡ് ഹാര്‍ട്ട് മിഷന്‍ ഹോസ്പിറ്റലില്‍ സൗജന്യ അസ്ഥിരോഗ നിര്‍ണയ ക്യാമ്പ് സംഘടിപ്പിച്ചു 
പൂമംഗലം കുടുംബാരോഗ്യ കേന്ദ്രത്തില്‍ ഓപ്പണ്‍ ജിം ഉദ്ഘാടനം ചെയ്തു 
അമ്മന്നൂര്‍ ഗുരുകുലത്തിലെ മാധവനാട്യഭൂമിയില്‍ മായാശിരസ് കൂടിയാട്ടം അരങ്ങേറി 
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
പ്രഥമ രുദ്രപ്രഭ പുരസ്‌കാരം കലാനിലയം ഗോപിക്കും കലാമണ്ഡലം ശിവദാസനും 
എന്റെ പാടം എന്റെ പുസ്തകം പദ്ധതിക്ക് തുടക്കം 
