ലൈഫ് പദ്ധതിയില്‍ ഗുണഭോക്താക്കള്‍ക്കു ഭവനനിര്‍മാണത്തിന് തുക നല്‍കണം- ധര്‍ണ നടത്തി
ഇരിങ്ങാലക്കുട: ലൈഫ് പദ്ധതിയില്‍ ഉള്‍പ്പെട്ട പടിയൂര്‍ പഞ്ചായത്തിലെ മുഴുവന്‍ ഗുണഭോക്താക്കള്‍ക്കും ഭവനനിര്‍മാണത്തിന് ആവശ്യമായ തുക എത്രയും വേഗം ലഭ്യമാക്കണം എന്ന് ആവശ്യപ്പെട്ടുകൊണ്ട് പടിയൂര്‍ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ പടിയൂര്‍ പഞ്ചായത്ത് ഓഫീസിന് മുന്‍പില്‍ ധര്‍ണ നടത്തി. മണ്ഡലം പ്രസിഡന്റ് സാജന്‍ അച്ചങ്ങാടന്‍ അധ്യക്ഷത വഹിച്ച ധര്‍ണ ഡിസിസി ജനറല്‍ സെക്രട്ടറി ആന്റോ പെരുമ്പുള്ളി ഉദ്ഘാടനം ചെയ്തു. കാട്ടൂര്‍ ബ്ലോക്ക് ജനറല്‍ സെക്രട്ടറി സി.എം. ഉണ്ണികൃഷ്ണന്‍ സ്വാഗതം ആശംസിച്ചു. ഇരിങ്ങാലക്കുട നിയോജകമണ്ഡലം മഹിളാകോണ്‍ഗ്രസ് അധ്യക്ഷ രഞ്ജിനി ടീച്ചര്‍ മുഖ്യാഥിതി ആയിരുന്നു. പടിയൂര്‍ പഞ്ചായത്ത് മെമ്പര്‍മാരായ സുനന്ദ ഉണ്ണികൃഷ്ണന്‍, ജോയ്സി, മഹിളാ കോണ്‍ഗ്രസ് പടിയൂര്‍ മണ്ഡലം പ്രസിഡന്റ് ഹാജിറ റഷീദ്, ബ്ലോക്ക് കോണ്‍ഗ്രസ് കമ്മിറ്റി ഭാരവാഹികള്‍ ആയ കണ്ണന്‍ മാടത്തിങ്കല്‍, എ.ഐ. സിദ്ധാര്‍ഥന്‍, ജോര്‍ജ് ഇലഞ്ഞിക്കല്‍, ഷീദ്, മണ്ഡലം ഭാരവാഹികളായ കെ.കെ. ഷൗക്കത്തലി, ഒ.എന്‍. ഹരിദാസ്, ബിജു ചാണാശ്ശേരി എന്നിവര്‍ പ്രസംഗിച്ചു.
About Author
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
