ജോസ് വിഭാഗമാണ് യഥാര്‍ഥ കേരള കോണ്‍ഗ്രസ് (എം) എന്ന് ഇലക്ഷന്‍ കമ്മീഷന്റെ വിധിയില്‍ ആഹ്ളാദസംഗമം നടത്തി
ഇരിങ്ങാലക്കുട: കേരള കോണ്‍ഗ്രസ് ജോസ് വിഭാഗമാണു യഥാര്‍ഥ കേരള കോണ്‍ഗ്രസെന്നും അവര്‍ക്കാണു പാര്‍ട്ടിയുടെ അംഗീകൃത ചിഹ്നമായ രണ്ടില അവകാശപ്പെട്ടതെന്നുള്ള ഇലക്ഷന്‍ കമ്മീഷന്റെ വിധിയില്‍ ഇരിങ്ങാലക്കുടയില്‍ ആഹ്ലാദസംഗമം നടത്തി. ഇതു സത്യത്തിന്റെ വിജയമാണെന്നും പി.ജെ. ജോസഫിന്റെയും തോമസ് ഉണ്ണിയാടന്റെയും അഹങ്കാരത്തിനും ധിക്കാരത്തിനും ഏറ്റ തിരിച്ചടിയാണെന്നു സംഗമം ഉദ്ഘാടനം ചെയ്ത കേരള കോണ്‍ഗ്രസ് (എം) ജില്ലാ ജനറല്‍ സെക്രട്ടറി ടി.കെ. വര്‍ഗീസ് പ്രസ്താവിച്ചു. പാലായിലെ ഉപതിരഞ്ഞെടുപ്പില്‍ ചിഹ്നം തരില്ല എന്നു പറഞ്ഞ് പാര്‍ട്ടിയില്‍ കലാപം ഉണ്ടാക്കി പാരവെച്ചു തോല്പിച്ച ജോസഫിനു ഇപ്പോള്‍ കൈയില്‍ നിന്നു ചിഹ്നവും പാര്‍ട്ടിയും പോയെന്നു അദ്ദേഹം അഭിപ്രായപ്പെട്ടു. കേരള കോണ്‍ഗ്രസ് (എം) ഇരിങ്ങാലക്കുട നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ ഇരിങ്ങാലക്കുട ആല്‍ത്തറക്കല്‍ നടത്തിയ ആഹ്ലാദസംഗമ ചടങ്ങില്‍ നിയോജകമണ്ഡലം പ്രസിഡന്റ് ഇ.വി. ആന്റണി അധ്യക്ഷത വഹിച്ചു. സംസ്ഥാന കമ്മിറ്റി അംഗം ബിജു ആന്റണി മുഖ്യപ്രഭാഷണം നടത്തി. പാര്‍ട്ടി നേതാക്കളായ കെ.ബി. ഷമീര്‍, ജൂലിയസ് ആന്റണി, പി.ആര്‍. സുശീലന്‍, എം.കെ. ജോളി, ഡേവിസ് ചക്കാലക്കല്‍, സണ്ണി ചിറയത്ത്, സേമു ജോസഫ് എന്നിവര്‍ പ്രസംഗിച്ചു.
About Author
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
ബൈക്കുകള്‍ കൂട്ടിയിടിച്ച് അപകടം; സെക്യൂരിറ്റി ജീവനക്കാരനടക്കം രണ്ടു പേര്‍ മരിച്ചു 
