വീട് കയറി ആക്രമണം രണ്ടു പേര്‍ കൂടി അറസ്റ്റില്‍
ഇരിങ്ങാലക്കുട: കാറളം പഞ്ചായത്തിലെ ചെമ്മണ്ടയില്‍ വീട് കയറി അക്രമിച്ച സംഭവത്തിലെ രണ്ട് പ്രതികളെ കൂടി കാട്ടൂര്‍ പോലീസ് പിടികൂടി. ചേലൂര്‍ മുട്ടത്ത് വീട്ടില്‍ വിബിന്‍ (22), കൂത്തുപറമ്പ് പള്ളിയില്‍ വീട്ടില്‍ ജോബിഷ് (37) എന്നിവരെയാണ് ഡിവൈഎസ്പി ഫേമസ് വര്‍ഗ്ഗീസിന്റെ നിര്‍ദ്ദേശാനുസരണം കാട്ടൂര്‍ എസ്‌ഐ വി.വി. വിമലിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ആഗസ്റ്റ് 30ന് വൈകീട്ടാണ് വണ്ടിക്ക് സൈഡ് കൊടുക്കുന്ന വിഷയത്തിലുള്ള തര്‍ക്കവുമായി ബന്ധപ്പെട്ട് ചെമ്മണ്ട അരിമ്പൂര്‍ വീട്ടില്‍ അജയന്റെ വീട് മൂന്നംഗ സംഘം ആക്രമിച്ചത്. വീടിന്റെ സിറ്റൗട്ടിന്റെയും കാറിന്റെയും ചില്ലുകള്‍ അക്രമികള്‍ തകര്‍ത്തിരുന്നു. മുഖ്യ പ്രതിയും പരിസരത്തെ ഓട്ടോ ഡ്രൈവര്‍ കൂടിയായ ചെമ്മണ്ട കളത്തില്‍ വീട്ടില്‍ ദീപക്കിനെ (27) നേരത്തെ അറസ്റ്റ് ചെയ്തിരുന്നു. ഉദ്യോഗസ്ഥരായ താജുദ്ദീന്‍, ശ്യാംകുമാര്‍, വിജേഷ് എന്നിവരും അന്വേഷണസംഘത്തില്‍ ഉണ്ടായിരുന്നു. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
കാറളം മൂര്‍ക്കനാട് റോഡ് കാടുകയറി യാത്രക്കാര്‍ ദുരിതത്തില്‍ 
തളിക്കുളം ഹാഷിദ കൊലപാതകം; പ്രതിയായ ഭര്‍ത്താവിന് ജീവപര്യന്തം തടവിനും 1,51,500 രൂപ പിഴ ഒടുക്കുന്നതിനും ശിക്ഷ വിധിച്ചു 
ആശുപത്രിയിലും കുരുന്നുകള്‍ക്ക് ശിശുദിനത്തില്‍ സാന്ത്വനമേകാന്‍ കാറളം വിഎച്ച്എസ്ഇയിലെ എന്‍എസ്എസ് വളണ്ടിയേഴ്‌സ് 
മൂര്‍ക്കനാട് ഇരട്ട കൊലപാതക ക്കേസിലെ പ്രതിയെ കാപ്പ ചുമത്തി തടങ്കലിലാക്കി 
