കാട്ടൂര്‍ ബസാറില്‍ ജയ്ഭാരത് സത്യാഗ്രഹം സംഘടിപ്പിച്ചു
കാട്ടൂര്‍: വെറുപ്പിന്റെയും വിദ്വേഷരാഷ്ട്രീയത്തിന്റെയും പാത സ്വീകരിച്ച നരേന്ദ്രമോദി സര്‍ക്കാരിനെതിരെയുള്ള തിരിച്ചടിയാണ് രാജ്യത്ത് വരാനിരിക്കുന്നതെന്നു ഡിസിസി പ്രസിഡന്റ് ജോസ് വളളൂര്‍ അഭിപ്രായപ്പെട്ടു. ഇന്ത്യന്‍ നാഷണല്‍ കോണ്‍ഗ്രസ് കാട്ടൂര്‍ മണ്ഡലം കമ്മിറ്റിയുടെ നേതൃത്വത്തില്‍ സംഘപരിവാര്‍ ഭരണകൂട ഭീകരതക്കെതിരെ അഖിലേന്ത്യ അടിസ്ഥാനത്തില്‍ നടത്തപ്പെടുന്ന സമരത്തിന്റെ ഭാഗമായി സത്യമേവ ജയതേ എന്ന മുദ്രാവാക്യവുമായി സംഘടിപ്പിച്ച ജയ്ഭാരത് സത്യാഗ്രഹം കാട്ടൂര്‍ ബസാറില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കാട്ടൂര്‍ മണ്ഡലം പ്രസിഡന്റ് എ.എസ്. ഹൈദ്രോസ് അധ്യക്ഷത വഹിച്ച യോഗത്തില്‍ മഹിളാ കോണ്‍ഗ്രസ് സംസ്ഥാന ജനറല്‍ സെക്രട്ടറി രാജലക്ഷ്മി കുറുമാത്ത് സ്വാഗതം പറഞ്ഞു. മുന്‍ കെപിസിസി ജനറല്‍ സെക്രട്ടറി എം.പി. ജാക്‌സണ്‍ മുഖ്യപ്രഭാഷണം നടത്തി. ഡിസിസി ജനറല്‍ സെക്രട്ടറിമാരായ കെ.എഫ്. ഡോമിനിക്, ടി.എം. ചന്ദ്രന്‍, ആന്റോ പെരുമ്പുള്ളി, ബ്ലോക്ക് പ്രസിഡന്റ് കെ.കെ. ഗോദനന്‍, വൈസ് പ്രസിഡന്റ് വിപിന്‍ ഇടിയത്ത്, പ്രകാശന്‍ മാസ്റ്റര്‍, ഷെറിന്‍ തേര്‍മഠം, സിദ്ദിഖ് കറപ്പംവീട്ടില്‍ എന്നിവര്‍ പ്രസംഗിച്ചു.
About Author
കാട്ടൂര്‍ തെക്കുംപാടത്ത് ഉടന്‍ ട്രാന്‍സ്‌ഫോര്‍മര്‍ സ്ഥാപിക്കണം; ബിജെപി പ്രതിഷേധ സമരം 
എവുപ്രാസ്യമ്മയുടെ തിരുനാളിന് കൊടിയേറി 
കാട്ടൂര്‍ പഞ്ചായത്തില്‍ സൗജന്യ കശുമാവ് ഗ്രാഫ്റ്റ് തൈകള്‍ വിതരണം ചെയ്തു 
ഇരിങ്ങാലക്കുട ബ്ലോക്ക് പഞ്ചായത്ത് ഹരിത വസന്തം പച്ചക്കറി കൃഷി പദ്ധതി ഉദ്ഘാടനം ചെയ്തു 
കാനയിലേക്ക് മലിനജലം ഒഴുക്കിയ ഹോട്ടല്‍ പഞ്ചായത്ത് അടപ്പിച്ചു 
ഓപ്പറേഷന്‍ തൂഫാന്‍; കാട്ടൂരില്‍ എംഡിഎംഎ വേട്ട 
