പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച പ്രതിക്ക് ആറുവര്‍ഷം തടവും 20,000 രൂപ പിഴയും
ഇരിങ്ങാലക്കുട: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച പ്രതിക്ക് ആറു വര്‍ഷം തടവും 20,000 രൂപ പിഴയും ശിക്ഷ വിധിച്ചു. അഴീക്കോട് കൊട്ടിക്കല്‍ പണ്ടാരപ്പറമ്പില്‍ ബഷീറി(50)നെയാണ് ഇരിങ്ങാലക്കുട ഫാസ്റ്റ് ട്രാക്ക് സ്‌പെഷല്‍ കോടതി (പോക്‌സോ) ജഡ്ജ് സി.ആര്‍. രവിചന്ദര്‍ ശിക്ഷിച്ചത്. 12 വയസുകാരിയായ ബാലിക കുളിക്കുന്ന ദൃശ്യം കുളിമുറിയുടെ ദ്വാരത്തിലൂടെ മൊബൈല്‍ ഫോണില്‍ പകര്‍ത്തി ലൈംഗിക അതിക്രമം കാണിച്ചതിനാണു ശിക്ഷ. പോക്‌സോ നിയമപ്രകാരം ആറുവര്‍ഷം തടവും 20,000 രൂപ പിഴയും കൂടാതെ കേരള പോലീസ് ആക്ടു പ്രകാരം മൂന്നു വര്‍ഷം തടവും 10,000 രൂപ പിഴയും ആണ് ശിക്ഷ വിധിച്ചത്. പിഴത്തുക അതിജീവിതയ്ക്കു നല്‍കാനും പിഴ അടക്കാത്ത പക്ഷം വീണ്ടും ആറുമാസംകൂടി തടവുശിക്ഷ അനുഭവിക്കുന്നതിനും വിധിയായി.
പ്രോസിക്യൂഷനുവേണ്ടി സ്‌പെഷല്‍ പബ്ലിക് പ്രോസിക്യൂട്ടര്‍ അഡ്വ. കെ.എന്‍. സിനിമോള്‍ ഹാജരായി. കൊടുങ്ങല്ലൂര്‍ പോലീസ് സ്റ്റേഷന്‍ ഹൗസ് ഓഫീസര്‍ ആയിരുന്ന പി.കെ. പദ്മരാജന്‍ ആണ് കേസ് അന്വേഷണം നടത്തിയത്. കേസില്‍ കാട്ടൂര്‍ പോലീസ് സ്റ്റേഷനിലെ ചിത്തിര, ആളൂര്‍ പോലീസ് സ്റ്റേഷനിലെ ടി.ആര്‍. രജനി എന്നീ വനിതാ പോലീസ് ഓഫീസര്‍മാര്‍ പ്രോസിക്യൂഷനെ സഹായിച്ചു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
