ഇരിങ്ങാലക്കുട സിഎംസി ഉദയ പ്രോവിന്‍സ് ഷോര്‍ട്ട് ഫിലിം മത്സരം
ഇരിങ്ങാലക്കുട: വിശുദ്ധ കുര്യാക്കോസ് ഏലീയാസ് ചാവറയുടെയും വിശുദ്ധ ഏവുപ്രാസ്യയുടെയും വിശുദ്ധപദപ്രഖ്യാപനത്തിന്റെ നിലയ്ക്കാത്ത ഓര്‍മയ്ക്കായ് ഇരിങ്ങാലക്കുട സിഎംസി ഉദയ പ്രോവിന്‍സ് ഒരു മൈക്രോ ഷോര്‍ട്ട് ഫിലിം മത്സരം (കാര്‍മല്‍ മെലഡി 2020) സംഘടിപ്പിക്കുന്നു. ഷോര്‍ട്ട് ഫിലിം ഒരു മിനിറ്റ് മുതല്‍ മൂന്നു മിനിറ്റു വരെ സമയദൈര്‍ഘ്യം ഉണ്ടാകാന്‍ പാടുള്ളൂ. സഹനങ്ങള്‍ ദൈവേഷ്ടം തിരിച്ചറിയുന്നതിനുള്ള അടയാളം, സമയക്രമീകരണത്തിലൂടെ കൃത്യനിഷ്ഠയുള്ളവരാകുക, പരസ്പര സ്‌നേഹവും ക്രമവും ഉള്ള കുടുംബം ആശ്വാസദായകം, ക്ഷമ മഹാശക്തിയും വിവേകമുള്ള വ്യക്തിയുടെ അടയാളമാണ് എന്നീ വിഷയങ്ങളില്‍ ഏതെങ്കിലും ഒരു വിഷയം മത്സരാര്‍ഥികള്‍ക്കു തെരഞ്ഞെടുക്കാവുന്നതാണ്. 5000, 3000, 2000 എന്നീ കാഷ് അവാര്‍ഡുകള്‍ യഥാക്രമം ഒന്നു രണ്ടും മൂന്നും സ്ഥാനത്തിനു അര്‍ഹരാകുന്ന വിജയികള്‍ക്കു നല്കുന്നു. ഈ ഷോര്‍ട്ട് ഫിലിം മത്സരത്തിലേക്കു എൻട്രികള്‍ ക്ഷണിക്കുന്നു. മത്സരത്തിനു നല്കുന്ന ഷോര്‍ട്ട് ഫിലിം ഇതിനു മുമ്പ് എങ്ങും മത്സരത്തിനു നല്കാത്തതും സോഷ്യല്‍ മീഡിയയില്‍ പ്രചരിപ്പിക്കാത്തതും ആയിരിക്കണം. ഒക്ടോബര്‍ 15 നു മുമ്പായി ഷോര്‍ട്ട് ഫിലിം നല്‌കേണ്ടതാണ്. രജിസ്‌ട്രേഷന്‍ ഫീസ് ഇല്ല. കൂടുതല്‍ വിവരങ്ങള്‍ക്ക്: 9633319157.
About Author
സൗജന്യ ആയുര്‍വേദ മെഡിക്കല്‍ ക്യാമ്പും മരുന്ന് വിതരണവും 
പോസ്റ്റല്‍ ഡിവിഷനില്‍ അഭിമുഖം 
അത്യുല്പാദന ശേഷിയുള്ള നാടന്‍ തെങ്ങിന്‍ തൈകള്‍ ലഭ്യമാണ് 
തൃശൂര്‍ ജില്ലാ ചെസ് ഇന്‍ സ്‌കൂള്‍ ടീം ചാമ്പ്യന്‍ഷിപ്പ് 28 ന് 
കിടപ്പുരോഗീപരിചരണത്തിന് പ്രൊഫഷണലുകളെ ഒരുക്കാന്‍ നിപ്മര്‍ 
സെന്റ് ജോസഫ്‌സ് കോളജില്‍ ഗസ്റ്റ് അധ്യാപക ഒഴിവ് 
