തൃശൂര്‍ ജില്ലാ ചെസ് ഇന്‍ സ്‌കൂള്‍ ടീം ചാമ്പ്യന്‍ഷിപ്പ് 28 ന്
ഇരിങ്ങാലക്കുട: തൃശൂര്‍ ജില്ലാ ചെസ് അസോസിയേഷനും തൃശൂര്‍ സിഎംഎസ് ഹയര്‍ സെക്കന്‍ഡറി സ്‌കൂളും സംയുക്തമായി സംഘടിപ്പിക്കുന്ന തൃശൂര്‍ ജില്ലാ ചെസ് ഇന്‍ സ്‌കൂള്‍ ടീം ചാമ്പ്യന്‍ഷിപ്പ് 28 നു തൃശൂര്‍ സിഎംഎസ് ഹയര്‍ സെക്കന്‍ഡറി സ്‌കൂളില്‍ വെച്ച് നടക്കും. സബ് ജൂനിയര്‍ (എല്‍കെജി മുതല്‍ നാലാം ക്ലാസു വരെ) ജൂനിയര്‍ (എല്‍കെജി മുതല്‍ എട്ടാം ക്ലാസു വരെ) സീനിയര്‍ (എല്‍കെജി മുതല്‍ പന്ത്രണ്ടാം ക്ലാസു വരെ) എന്നിങ്ങനെ മൂന്നു വിഭാഗങ്ങളിലായാണ് മത്സരങ്ങള്‍ നടക്കുക. ഒരു ടീമില്‍ മൂന്നു കളിക്കാര്‍ ഉണ്ടായിരിക്കണം. 150 ടീമുകളിലായി 450 ഓളം കളിക്കാര്‍ പങ്കെടുക്കും.
വിജയികളാകുന്നവര്‍ 04-09-2024 എറണാകുളത്തു നടക്കുന്ന സംസ്ഥാന ചെസ് ഇന്‍ സ്‌കൂള്‍ ചാമ്പ്യന്‍ഷിപ്പില്‍ തൃശൂര്‍ ജില്ലയെ പ്രധിനിധീകരിക്കും. കൂടാതെ വിജയികള്‍ക്ക് സര്‍ട്ടിഫിക്കറ്റുകളും ട്രോഫികളും സമ്മാനിക്കുന്നതാണ്. കൂടുതല്‍ പോയിന്റ് ലഭിക്കുന്ന സ്‌കൂളിന് ബെസ്റ്റ് ചെസ് സ്‌കൂള്‍ ട്രോഫി സമ്മാനിക്കും. ചാമ്പ്യന്‍ഷിപ്പിന്റെ ഒരുക്കങ്ങളെല്ലാം പൂര്‍ത്തിയായതായി സംഘാടക സമിതി ചെയര്‍മാന്‍ ശശിധരന്‍, ഓര്‍ഗനൈസിംഗ് സെക്രട്ടറി അഡ്വ. ബാബു വര്‍ഗീസ്, ജനറല്‍ കണ്‍വീനര്‍ പീറ്റര്‍ ജോസഫ് എന്നിവര്‍ അറിയിച്ചു.
About Author
സൗജന്യ ആയുര്‍വേദ മെഡിക്കല്‍ ക്യാമ്പും മരുന്ന് വിതരണവും 
പോസ്റ്റല്‍ ഡിവിഷനില്‍ അഭിമുഖം 
അത്യുല്പാദന ശേഷിയുള്ള നാടന്‍ തെങ്ങിന്‍ തൈകള്‍ ലഭ്യമാണ് 
കിടപ്പുരോഗീപരിചരണത്തിന് പ്രൊഫഷണലുകളെ ഒരുക്കാന്‍ നിപ്മര്‍ 
സെന്റ് ജോസഫ്‌സ് കോളജില്‍ ഗസ്റ്റ് അധ്യാപക ഒഴിവ് 
പുല്ലൂര്‍ നാടകരാവിന്റെ ഭാഗമായി 29ന് ഇരിങ്ങാലക്കുട ടൗണ്‍ ഹാളില്‍ ചിത്രരചനാ മത്സരം 
