എടതിരിഞ്ഞി വില്ലേജ് ഓഫീസ് പുനര്‍നിര്‍മാണം ഉടന്‍ തുടങ്ങണം, കോണ്‍ഗ്രസ്
എടതിരിഞ്ഞി: വില്ലേജ് ഓഫീസിന്റെ നിര്‍മാണം ഉടന്‍ ആരംഭിക്കണമെന്ന് കോണ്‍ഗ്രസ് പടിയൂര്‍ മണ്ഡലം കോണ്‍ഗ്രസ് കമ്മിറ്റി ആവശ്യപ്പെട്ടു. പുതിയ കെട്ടിടം പണിയുന്നതിനുവേണ്ടി പ്രവര്‍ത്തനം താത്കാലികമായി എടതിരിഞ്ഞി ചെട്ടിയാല്‍ സെന്ററില്‍ വാടകക്കെട്ടിടത്തിലാണ് പ്രവര്‍ത്തിക്കുന്നത്.
ശാരീരിക അവശത അനുഭവിക്കുന്നവര്‍ക്ക് ഇവിടെ വന്ന് കാര്യങ്ങള്‍ നടത്താന്‍ പറ്റാത്ത സാഹചര്യമാണ്. അതിനാല്‍ എത്രയും വേഗം വില്ലേജ് ഓഫീസ് നിര്‍മിക്കാന്‍ അധികാരികള്‍ തയ്യാറാകണമെന്നും കോണ്‍ഗ്രസ് ആവശ്യപ്പെട്ടു. മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ പോസ്റ്റോഫീസ് സെന്ററില്‍നിന്നാരംഭിച്ച ജാഥ ചെട്ടിയാല്‍ സെന്ററിലെത്തി.
തുടര്‍ന്ന് നിലവിലുള്ള വില്ലേജ് ഓഫീസിനു മുന്‍പില്‍ ധര്‍ണ നടത്തി. ഡി.സി.സി. സെക്രട്ടറി ശോഭാ സുഭിന്‍ ഉദ്ഘാടനം ചെയ്തു. എ.ഐ. സിദ്ധാര്‍ത്ഥന്‍ അധ്യക്ഷനായി. കെ.ആര്‍. ഔസേപ്പ്, കെ.കെ. ഷൗക്കത്ത് അലി, ഒ.എന്‍. ഹരിദാസ്, സുനന്ദാ ഉണ്ണികൃഷ്ണന്‍ എന്നിവര്‍ പ്രസംഗിച്ചു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
