ഇറിഡിയം തട്ടിപ്പില്‍ മൂന്നു പ്രതികളെ അറസ്റ്റ് ചെയ്തു
ഇരിങ്ങാലക്കുട: ഇറിഡിയം തട്ടിപ്പില്‍ മൂന്നു പ്രതികളെ അറസ്റ്റ് ചെയ്തു. മാപ്രാണം സ്വദേശിയുടെ പരാതിയിലാണ് അറസ്റ്റ്. ഇറിഡിയം ലോഹത്തിന്റെ ബിസിനസ് ചെയ്ത് പണം നല്‍കാമെന്ന് പറഞ്ഞ് വിശ്വസിപ്പിച്ച് 2018 ആഗസ്റ്റ് മാസം മുതല്‍ 2019 ജനുവരി മാസം വരെ പല തവണകളായി 31000 (മുപ്പത്തിയൊന്നായിരം) രൂപ വാങ്ങി പണം തിരികെ നല്‍കാതെ തട്ടിപ്പുനടത്തി എന്നാണ് കേസ്. പെരിഞ്ഞനം സ്വദേശി പാപ്പുള്ളി വീട്ടില്‍ ഹരിസ്വാമി എന്നു വിളിക്കുന്ന ഹരിദാസന്‍ (52), ഇയാളുടെ സഹോദരി ഇരിങ്ങാലക്കുട താണിശ്ശേരി മണമ്പുറക്കല്‍ വീട്ടില്‍ ജിഷ (45), മാപ്രാണം വെട്ടിയാട്ടില്‍ വീട്ടില്‍ പ്രസീദ സുരേഷ് (46) എന്നിവരെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്.
ഹരിദാസന്‍ താന്‍ കല്‍ക്കത്തയിലെ ഒരു മഠത്തിന്റെ മഠാധിപതി ആവാന്‍ പോവുകയാണെന്നും ബാങ്കുകളില്‍ അനാഥമായി കിടക്കുന്ന പണം പാവങ്ങളിലേക്ക് എത്തിക്കുന്നതിനായി ഒരു ട്രസ്റ്റ് രൂപികരിക്കുന്നതിന് ഉയര്‍ന്ന ലാഭ വിഹിതം നല്‍കാമെന്നും ഇറിഡിയം ലോഹം വിദേശത്തേക്ക് കയറ്റി അയച്ചിട്ടുണ്ടെന്നും അതിന്റെ ഫണ്ട് ലഭിക്കുന്ന മുറക്ക് പണം തിരികെ നല്‍കാമെന്നും പറഞ്ഞ് വിശ്വസിപ്പിച്ചാണ് തട്ടിപ്പ് നടത്തിയത്. ഇരിങ്ങാലക്കുട പൊലീസ് സ്റ്റേഷന്‍ ഇന്‍സ്‌പെക്ടര്‍ എം.എസ് ഷാജന്‍്, സബ്ബ് ഇന്‍സ്‌പെക്ടര്‍മാരായ മുഹമ്മദ് റാഷി, എ എസ് ഐ ഉമേഷ് എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്.
About Author
ഠാണാ ജംഗ്ഷനിലെ നഗരസഭയുടെ ഉടമസ്ഥതയിലുള്ള കെട്ടിടം പൊളിച്ചു നീക്കുന്ന പണികള്‍ അവസാന ഘട്ടത്തില്‍ 
കൂടല്‍മാണിക്യം ക്ഷേത്രത്തില്‍ താമരക്കഞ്ഞി വഴിപാടിന് തിരക്ക് 
വില്‍പ്പനയ്ക്കായി വീട്ടുമുറ്റത്തെത്തിയ യുവതിയെ കയറിപ്പിടിച്ചു; പ്രതി അറസ്റ്റില്‍ 
നടവരമ്പ് സ്‌കൂളില്‍ നടന്ന പൂര്‍വവിദ്യാര്‍ഥി സംഗമം മന്ത്രി കെ. രാജന്‍ ഉദ്ഘാടനം ചെയ്തു 
കോനിക്കല്‍ രാമനാരായണക്കുറുപ്പ് സ്മാരക ട്രസ്റ്റ് പുരസ്‌കാരം സലീഷ് നനദുര്‍ഗയ്ക്ക് 
ബാലികക്കെതിരെ ലൈംഗീകാതിക്രമം, പ്രതിയ്ക്ക് അഞ്ച് വര്‍ഷം കഠിനതടവും പിഴയും 
