കാല്‍ വഴുതി കുളത്തില്‍ വീണ് സ്‌കൂള്‍ വിദ്യാര്‍ഥി മരിച്ചു
വെളയനാട്: കളിക്കുന്നതിനിടയില്‍ കാല്‍ വഴുതി കുളത്തില്‍ വീണ് സ്‌കൂള്‍ വിദ്യാര്‍ഥി മരിച്ചു. ഇരിങ്ങാലക്കുട സെന്റ് മേരീസ് ഹൈസ്‌കൂള്‍ അഞ്ചാം ക്ലാസ് വിദ്യാര്‍ഥി കൊറ്റനെല്ലൂര്‍ പൂന്തോപ്പ് സ്വദേശി കോമ്പാറക്കാരന്‍ സണ്ണിയുടെ മകന്‍ സോളമന്‍ (10) ആണ് മരിച്ചത്. സഹോദരനൊപ്പം കളിക്കുന്നതിനിടയില്‍ വീട്ടിലെ അക്വേറിയത്തിലേക്ക് പായല്‍ എടുക്കുന്നതിനായി കുളത്തിനരികിലേക്ക് സോളമന്‍ പോകുകയായിരുന്നു. കുളത്തിനരികില്‍വച്ച് പെട്ടന്ന് കാല്‍വഴുതി കുളത്തിലേക്ക് വീഴുകയായിരുന്നു. സോളമനെ രക്ഷിക്കാനായി സഹോദരനും കുളത്തിലിറങ്ങിയെങ്കിലും ഇരുവരും മുങ്ങിതാഴുകയായിരുന്നു. സമീപവാസിയായ സ്ത്രീ എത്തിയാണ് മൂത്ത മകനെ രക്ഷിച്ചത്. സോളമന്‍ മരണപെടുകയായിരുന്നു. സംസ്‌കാരം വെളയനാട് സെന്റ് മേരീസ് ദേവാലയത്തില്‍ നടന്നു. അമ്മ-സിമി, സഹോദരന്‍-സാമുവല്‍ (എട്ടാം ക്ലാസ് വിദ്യാര്‍ഥി, ഇരിങ്ങാലക്കുട സെന്റ് മേരീസ് ഹൈസ്‌കൂള്‍)
About Author
കരുവന്നൂര്‍ സെന്റ് മേരീസ് പള്ളിയില്‍ ജപമാല രാജ്ഞിയുടെ തിരുനാളിന് കൊടികയറി 
പനി ബാധിച്ച് വിദ്യാര്‍ഥിനി മരിച്ചു 
വെള്ളാനി കോള്‍പാട കര്‍ഷകസംഘം വാര്‍ഷിക പൊതുയോഗം നടത്തി 
കെ.വി. ചന്ദ്രന്‍ സ്മാരക ചന്ദ്രപ്രഭ പുരസ്‌കാരം നാട്യാചാര്യന്‍ വേണുജിക്ക് 
ഹ്യൂമന്‍ റൈറ്റ്‌സ് പ്രൊട്ടക്ഷന്‍ ജില്ല ഭാരവാഹികളെ തെരഞ്ഞെടുത്തു 
കെ.വി. ഉണ്ണി അനുസ്മരണ ദിനാചരണം നടത്തി 
