ഇരിങ്ങാലക്കുട സെന്റ് തോമസ് കത്തീഡ്രല്‍ ദുക്‌റാന ഊട്ടുതിരുനാള്‍ ജൂലൈ മൂന്നിന്
ഇരിങ്ങാലക്കുട സെന്റ് തോമസ് കത്തീഡ്രല്‍.
ഇരിങ്ങാലക്കുട: സെന്റ് തോമസ് കത്തീഡ്രല്‍ ഇടവക മധ്യസ്ഥനായ വിശുദ്ധ തോമാശ്ലീഹായുടെ രക്തസാക്ഷിത്വത്തിന്റെ ഓര്‍മയാചരിക്കുന്ന ജൂലൈ മൂന്നിന് ദുക്‌റാന ഊട്ടുതിരുനാള്‍ ആഘോഷിക്കും. ഇരുപത്തിഅയ്യായിരം പേര്‍ക്ക് ഒരുക്കുന്ന നേര്‍ച്ചസദ്യ കത്തീഡ്രല്‍ അങ്കണത്തിലെ പന്തലില്‍ രാവിലെ 8.30 മുതല്‍ ഉച്ചക്ക് രണ്ടു മണി വരെയാണ് ക്രമീകരിച്ചിരിക്കുന്നത്. ജൂണ്‍ 30, ജൂലായ് ഒന്ന്, രണ്ട് തിയതികള്‍ (തിങ്കള്‍, ചൊവ്വ, ബുധന്‍) ഉപവാസപ്രാര്‍ഥനാദിനങ്ങളായി ആചരിക്കുന്നു. ഉച്ചക്ക് 12 മണി മുതല്‍ രണ്ടു മണി വരെ ഇടവകദേവാലയത്തില്‍ ദൈവവചന പാരായണം ഉണ്ടായിരിക്കും.
ഈ മൂന്നു ദിവസങ്ങളില്‍ ഉച്ചക്ക് 12 മണി മുതല്‍ രണ്ടു മണി വരെ ഇടവകജനം മുഴുവനും ഉപവസിച്ചും ദൈവവചനം വായിച്ചും ഇടവകയുടെ മുഴുവന്‍ വിശുദ്ധീകരണത്തിനായി ഒരുങ്ങുന്നു. ഇടവകദിനമായ നാളെ രാവിലെ 7.30 ന് നടക്കുന്ന ദിവ്യബലിക്ക് ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിക്കും. വൈകീട്ട് അഞ്ചിന് ലദീഞ്ഞ്, നൊവേന, ദിവ്യബലി. ഇരിങ്ങാലക്കുട ഡോണ്‍ബോസ്‌കോ റെക്ടര്‍ ഫാ. ഇമ്മാനുവേല്‍ വട്ടക്കുന്നേല്‍ എസ്ഡിബി മുഖ്യകാര്‍മികത്വം വഹിക്കും. വൈകീട്ട് ഏഴിന് നടക്കുന്ന പൊതുസമ്മേളനം രൂപത വികാരി ജനറാള്‍ മോണ്‍ ജോളി വടക്കന്‍ ഉദ്ഘാടനം ചെയ്യും.
സമ്മേളനാനന്തരം ഇടവകയിലെ കലാപ്രതിഭകള്‍ അണിനിരക്കുന്ന വൈവിധ്യമാര്‍ന്ന കലാപരിപാടികള്‍ ഉള്‍പ്പെടുന്ന കലാസന്ധ്യയും ഉണ്ടായിരിക്കും. ജൂലൈ രണ്ടിന് വൈകീട്ട് 5.30ന് പ്രസുദേന്തിവാഴ്ച, ലദീഞ്ഞ്, നൊവേന, ദിവ്യബലി. ഇടവക സമര്‍പ്പിത കൂട്ടായ്മ സെക്രട്ടറി ഫാ. മില്‍നര്‍ വിതയത്തില്‍ സിഎംഐ മുഖ്യകാര്‍മികനായിരിക്കും. തുടര്‍ന്ന് രൂപം എഴുന്നള്ളിച്ചുവെയ്ക്കല്‍. തിരുനാള്‍ ദിനമായ മൂന്നിന് രാവിലെ ആറിന് ദിവ്യബലി, 7.30ന് നടക്കുന്ന ദിവ്യബലിക്ക് ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിക്കും.
തുടര്‍ന്ന് ഊട്ടുനേര്‍ച്ച വെഞ്ചിരിപ്പ്, 10.30ന് നടക്കുന്ന ആഘോഷമായ തിരുനാള്‍ ദിവ്യബലിക്ക് അവിട്ടത്തൂര്‍ ഹോളിഫാമിലി പള്ളി വികാരി ഫാ. റെനില്‍ കാരാത്ര മുഖ്യകാര്‍മികത്വം വഹിക്കും. കല്ലേറ്റുംകര പാക്‌സ് ഡയറക്ടര്‍ ഫാ. ഫ്രീജോ പാറയ്ക്കല്‍ തിരുനാള്‍ സന്ദേശം നല്‍കും. തുടര്‍ന്ന് ആഘോഷമായ തിരുനാള്‍ പ്രദക്ഷിണം ഉണ്ടായിരിക്കും. ഊട്ടുതിരുനാളിന് ലഭിക്കുന്ന സംഭാവനയില്‍ ചെലവ് കഴിച്ച് ബാക്കി വരുന്ന തുക ഇടവകയുടെ നേതൃത്വത്തില്‍ മാനസിക വെലലുവിളി നേരിടുന്ന യുവതികളുടെ പുനരധിവാസത്തിനായി നടത്തിവരുന്ന സാന്ത്വന സദനത്തിന്റെ സംരക്ഷണത്തിനായി നീക്കിവക്കും.
വികാരി റവ.ഡോ. ലാസര്‍ കുറ്റിക്കാടന്‍, അസിസ്റ്റന്റ് വികാരിമാരായ ഫാ. ഓസ്റ്റിന്‍ പാറയ്ക്കല്‍, ഫാ. ബെല്‍ഫിന്‍ കോപ്പുള്ളി, ഫാ. ആന്റണി നമ്പളം, തിരുനാള്‍ ജനറല്‍ കണ്‍വീനറും ട്രസ്റ്റിയുമായ ബാബു ജോസ് പുത്തനങ്ങാടി, കൈക്കാരന്‍മാരായ തിമോസ് പാറേക്കാടന്‍, പോള്‍ ചാമപറമ്പില്‍, ജോമോന്‍ തട്ടില്‍ മണ്ടി ഡേവി, കേന്ദ്രസമിതി പ്രസിഡന്റ് ജോമി ചേറ്റുപുഴക്കാരന്‍, തിരുനാള്‍ ജോയിന്റ് കണ്‍വീനര്‍മാരായ ഷാജു പന്തലിപ്പാടന്‍, ജിജി പള്ളായി, രഞ്ചി അക്കരക്കാരന്‍, ജോസ് ജി. തട്ടില്‍, പബ്ലിസിറ്റി കണ്‍വീനര്‍ പി.ടി. ജോര്‍ജ്ജ് പള്ളന്‍, ജോയിന്റ് കണ്‍വീനര്‍ ജോബി പള്ളായി എന്നിവര്‍ പത്രസമ്മേളനത്തില്‍ പങ്കെടുത്തു.
About Author
എടത്തിരുത്തി സെന്റ് ആന്‍സ് ജിഎച്ച്എസ് സ്‌കൂളില്‍ വിജയോത്സവം സംഘടിപ്പിച്ചു 
ജില്ലതല സ്‌പെഷ്യല്‍ സ്‌കൂള്‍ ഫുട്‌ബോള്‍ മത്സരത്തില്‍ ഒന്നാം സ്ഥാനം നേടി പ്രതീക്ഷ ട്രെയിനിംഗ് സെന്‍റർ വിദ്യാര്‍ഥികള്‍ 
കിഴക്കെയില്‍ കിഴക്കേപീടിക കുടുംബയോഗം നടത്തി 
അരിപ്പാലം തിരുഹൃദയ ദൈവാലയത്തില്‍ വിശുദ്ധ അന്തോണീസിന്റെ ഊട്ട് തിരുനാളിന് കൊടിയേറി, തിരുനാള്‍ ജൂലൈ ഒന്നിന് 
കടുപ്പശേരി തിരുഹൃദയ ദേവാലയത്തിലെ ഊട്ടു തിരുനാളിന്റെ കൊടിയേറ്റം വികാരി ജനറാള്‍ മോണ്‍.വില്‍സന്‍ ഈരത്തറ നിര്‍വഹിച്ചു 
കനത്ത മഴ; വെള്ളം ഉയരുന്നു; 84 കുടുംബങ്ങളില്‍നിന്നും 228 പേര്‍ ദുരിതാശ്വാസ ക്യാമ്പുകളില്‍ 
