ശുദ്ധജല സ്വാശ്രയത്വം: കിണര്‍ റീചാര്‍ജിങ്ങിന് 25 ലക്ഷം രൂപയുടെ പദ്ധതിയുമായി മുരിയാട് പഞ്ചായത്ത്
ശുദ്ധജല സ്വാശ്രയത്വം എന്ന ലക്ഷ്യത്തിനായി ഗ്രീന്‍ മുരിയാട് പദ്ധതിയില്‍ ഉള്‍പ്പെടുത്തി പഞ്ചായത്തിലെ 300 കിണറുകള്‍ ആദ്യഘട്ടത്തില്‍ റീചാര്‍ജ്ജ് ചെയ്യുന്നതിനുള്ള പദ്ധതി മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി ഉദ്ഘാടനം ചെയ്യുന്നു.
മുരിയാട്: ശുദ്ധജല സ്വാശ്രയത്വം എന്ന ലക്ഷ്യത്തിനായി ഗ്രീന്‍ മുരിയാട് പദ്ധതിയില്‍ ഉള്‍പ്പെടുത്തി പഞ്ചായത്തിലെ 300 കിണറുകള്‍ ആദ്യഘട്ടത്തില്‍ റീചാര്‍ജ്ജ് ചെയ്യുന്നതിനുള്ള പദ്ധതി മുരിയാട് പഞ്ചായത്ത് ആവിഷ്‌കരിച്ചു. കൂടാതെ എന്‍ആര്‍ഇജിയും കിണര്‍ റീചാര്‍ജിങ്ങിനുള്ള പദ്ധതി ആവിഷ്‌കരിച്ചിട്ടുണ്ട്. ആദ്യഘട്ടത്തില്‍ 300 എന്‍ആര്‍ഇജി പദ്ധതിക്ക് പുറമേ 25 ലക്ഷം രൂപയാണ് പഞ്ചായത്ത് ഇതിനായി നീക്കി വെച്ചിട്ടുള്ളത്. പഞ്ചായത്തിന്റെ ഇഎംഎസ് ഹാളില്‍ വച്ച് നടന്ന ഗുണഭോക്തൃ സംഗമത്തില്‍ വച്ച് പദ്ധതി പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി ഉദ്ഘാടനം ചെയ്തു.
വൈസ് പ്രസിഡന്റ് രതി ഗോപി അധ്യക്ഷത വഹിച്ചു. വി.ഒ. ഗീത പദ്ധതി വിശദീകരിച്ചു. മുരിയാട് മേഖലയിലെ ഗുണഭോക്താക്കളുടെ സംഗമം പഞ്ചായത്ത് ഹാളിലും പുല്ലൂര്‍ മേഖലയിലെ ഗുണഭോക്തൃ സംഗമം പുല്ലൂര്‍ ബാങ്ക് ഹാളില്‍ വച്ചും നടന്നു. സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ സരിത സുരേഷ്, കെ.യു. വിജയന്‍, ഭരണ സമിതി അംഗങ്ങളായ സേവ്യര്‍ ആളൂക്കാരന്‍, എ.എസ്. സുനില്‍കുമാര്‍, ജിനി സതീശന്‍, നിഖിത അനൂപ്, മണി സജയന്‍, ആര്‍എച്ച്ആര്‍ഡിസി ചീഫ് എക്‌സിക്യൂട്ടീവ് ഓഫീസര്‍ വിപിന്‍ പോള്‍, വിഇഒ തനൂജ, സെക്രട്ടറി പി.ബി. ജോഷി എന്നിവര്‍ സംസാരിച്ചു. റെയിന്‍ വാട്ടര്‍ ഹാര്‍വെസ്റ്റിങ്ങ് റിസര്‍ച്ച് എന്റ് ഡവലപ്പ്‌മെന്റ് സെന്ററാണ് നിര്‍വ്വഹണം നടത്തുക.
About Author
ഠാണ ചന്തക്കുന്ന് വികസനം, പണി ആരംഭിച്ചിട്ട് ഒരു വര്‍ഷം പിന്നിട്ടു 
ബാംഗ്ലൂർ ക്രൈസ്റ്റ് യൂണിവേഴ്‌സിറ്റിയില്‍ നിന്ന് ഇന്റര്‍നാഷണല്‍ ഫിനാന്‍സ് ഡിഗ്രി പരീക്ഷയില്‍ ഒന്നാം റാങ്ക് നേടിയ ഐറിന്‍ ജോസി തെക്കൂടന്‍ 
അന്താരാഷ്ട്ര അംഗീകാരത്തിലേക്ക് കേരളത്തെ നയിച്ച് രണ്ട് ഗവേഷകര്‍ 
നാലമ്പലദര്‍ശനത്തിന് അഭൂതപൂര്‍വമായ തിരക്ക്; നഗരം ഗതാഗതകുരുക്കില്‍ 
കാട്ടൂരില്‍ ആനയൂട്ടിന് എത്തിയ ആന ഇടഞ്ഞോടി 
കാട്ടൂര്‍ സര്‍വീസ് സഹകരണ ബാങ്ക് വിദ്യാഭ്യാസ അവാര്‍ഡുകള്‍ നല്‍കി ആദരിച്ചു 
