ക്രൈസ്റ്റ് കോളജ് സാമൂഹിക സേവന സംഘടനയായ തവനീഷിന്റെ സവിഷ്‌ക്കാരയുടെ ദേശീയ പതിപ്പിന് വര്‍ണ്ണാഭമായ തുടക്കം
ക്രൈസ്റ്റ് കോളജ് സാമൂഹിക സേവന സംഘടനയായ തവനീഷിന്റെ ആഭിമുഖ്യത്തില്‍ നടക്കുന്ന ഭിന്നശേഷി സംഗമമായ സവിഷ്‌ക്കാരയുടെ ദേശീയ പതിപ്പ് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്യുന്നു.
ഇരിങ്ങാലക്കുട: ക്രൈസ്റ്റ് കോളജ് സാമൂഹിക സേവന സംഘടനയായ തവനീഷിന്റെ ആഭിമുഖ്യത്തില്‍ നടക്കുന്ന ഭിന്നശേഷി സംഗമമായ സവിഷ്‌ക്കാരയുടെ ദേശീയ പതിപ്പിന് പ്രൗഢമായ തുടക്കം. ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം നിര്‍വഹിച്ചു.
കോളജ് മാനേജര്‍ ഫാ. ജോയി പീണിക്കപ്പറമ്പില്‍ അധ്യക്ഷത വഹിച്ചു. സവിഷ്‌കരയില്‍ ഈ വര്‍ഷം മുതല്‍ ദേശീയ തലത്തില്‍ ഭിന്നശേഷി വിദ്യാലയങ്ങളില്‍നിന്ന് വിദ്യാര്‍ഥികള്‍ പങ്കെടുക്കുന്നുണ്ട്.തൃശൂര്‍ ജില്ല അസിസ്റ്റന്റ് കളക്ടര്‍ സ്വാതി മോഹന്‍ റാത്തോഡ് ഐഎഎസ്, ക്രൈസ്റ്റ് കോളജ് പൂര്‍വ്വ വിദ്യാര്‍ഥിയും ചാര്‍ട്ടേഡ് അക്കൗണ്ടന്റുമായ പി.ആര്‍. ശ്രീകുമാര്‍ എന്നിവര്‍ വിശിഷ്ടാതിഥികളായി.
ദേവമാതാ പ്രവിശ്യയുടെ പ്രൊവിന്‍ഷ്യല്‍ റവ.ഡോ. ജോസ് നന്തിക്കര മുഖ്യപ്രഭാഷണം നടത്തി. പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ്, വൈസ് പ്രിന്‍സിപ്പല്‍മാരായ ഡോ. കെ.ജെ. വര്‍ഗീസ്, ഡോ. സേവ്യര്‍ ജോസഫ്, ഡോ. ചന്ദ്രബാബു (ജോയിന്റ് ഡയറക്ടര്‍- നിപറര്‍), അധ്യാപകരായ വി.പി. ഷിന്റോ, എസ്.ആര്‍. ജിന്‍സി, ജെബിന്‍ കെ. ഡേവിസ്, ഫ്രാന്‍കോ ഡേവിസ്, സി.എ. നിവേദ്യ, യു.എസ്. ഫാത്തിമ, ഷാജു വര്‍ഗീസ്, തവനീഷ് സ്റ്റാഫ് കോ ഓര്‍ഡിനേറ്റര്‍ മുവീഷ് മുരളി എന്നിവര്‍ പ്രസംഗിച്ചു.
About Author
ഷ്വേൺസ്റ്റാട്ട് മാതാവിന്റെ തിരുനാൾ ആഘോഷങ്ങൾ നാളെ കാട്ടുങ്ങച്ചിറയിൽ 
മാപ്രാണം ഫാത്തിമ മാതാ ദേവാലയത്തില്‍ തിരുനാള്‍ നാളെ 
ഒപ്പനച്ചുവടില്‍ ഇരട്ട മികവ്; ഡോ. രാജു ഡേവീസ് സ്‌കൂളും എസ്എന്‍ വിദ്യാഭവനും ഒന്നാമത് 
മാര്‍ഗംകളിയില്‍ മികവിന്റെ ചുവടുകള്‍; എസ്എന്‍ വിദ്യാഭവന് ഒന്നാം സ്ഥാനം 
വീട്ടിലെ ലൈബ്രറിയില്‍ ക്ലാസിക്കല്‍ സംഗീത പഠന ക്ലാസ് ആരംഭിച്ചു 
ഡല്‍ഹിയിലെ ജനാധിപത്യ ധ്വംസനത്തിനെതിരെ സിപിഐ പ്രതിഷേധ പ്രകടനം നടത്തി 
