ഓപ്പറേഷന്‍ തൂഫാന്‍; കാട്ടൂരില്‍ അഞ്ച് കിലോയോളം കഞ്ചാവുമായി മൂന്ന് പ്രതികള്‍ പിടിയില്‍
ജിതിക് (31), മഹേഷ് (33), ഫിരാജ് നായക് (26).
കാട്ടൂര്‍: വില്‍പ്പനക്കായി എത്തിച്ച അഞ്ച് കിലോയോളം കഞ്ചാവുമായി മൂന്ന് പ്രതികളെ തൃശ്ശൂര്‍ റൂറല്‍ ജില്ലാ പോലീസ് മേധാവി മുഹമ്മദ് നദീം ഐ പി എസ് ന്റെ നേതൃത്വത്തില്‍ ഡാന്‍സാഫ് സംഘവും കാട്ടൂര്‍ പോലീസും ചേര്‍ന്ന് പിടികൂടി. എടതിരിത്തി പറയന്‍കടവ് സ്വദേശി തുരുത്തി വീട്ടില്‍ ജിതിക് (31), താണിശ്ശേരി കുറുപ്പത്തിപടി സ്വദേശി തുണ്ട്പറമ്പില്‍ വീട്ടില്‍ മഹേഷ് (33), ഒറീസ സ്വദേശി ഫിരാജ് നായക് (26) എന്നിവരാണ് അറസ്റ്റിലായത്. തൃശ്ശൂര്‍ റൂറല്‍ ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കാട്ടൂര്‍ അശോക ബാറിനു സമീപമുള്ള നേരം ഹോട്ടലിന് പുറകുവശത്ത് നിന്നാണ് പ്രതികള്‍ പിടിയിലായത്. ഫിരാജ് നായക് ഒറീസയില്‍ നിന്ന് കടത്തിക്കൊണ്ട് വന്ന കഞ്ചാവ് കൈമാറുന്നതിനിടെയാണ് ഡാന്‍സാഫ് സംഘവും കാട്ടൂര്‍ പോലീസും ചേര്‍ന്ന് ഇവരെ പിടികൂടിയത്.
ജിതിക് കയ്പമംഗലം മതിലകം പോലീസ് സ്റ്റേഷന്‍ പരിധികളിലായി ഒരു വധശ്രമക്കേസിലും രണ്ട് അടിപിടിക്കേസിലും ഏതെങ്കിലും കുറ്റകൃത്യത്തില്‍ ഏര്‍പ്പെടാതിരിക്കാന്‍ അറസ്റ്റ് ചെയ്ത് നീക്കിയ മൂന്ന് കേസിലും അടക്കം ആറ് ക്രിമിനല്‍ക്കേസുകളില്‍ പ്രതിയാണ്. തൃശ്ശൂര്‍ റൂറല്‍ ഡാന്‍സാഫ് അംഗങ്ങളായ എസ്‌ഐ മാരായ ജയകൃഷ്ണന്‍, പ്രദീപ്, ജിഎഎസ്‌ഐ ലിജു, ജിഎസ്‌സി പി ഒ സോണി, ജിഎഎസ്‌ഐ വി.യു സില്‍ജോ, സിപിഒ മിഥുന്‍, കാട്ടൂര്‍ പോലീസ് സ്റ്റേഷന്‍ എസ്‌ഐഎസ്എച്ച്ഒ ഹാഷിഷ്, എസ്‌ഐമാരായ ബാബു, തുളസിദാസ്, ജിഎസ്‌സിപിഒമാരായ രജീഷ്, സിജു, ഡ്രൈവര്‍ എഎസ്‌ഐ മുസ്തഫ ഷൗക്കര്‍ എന്നിവരടങ്ങിയ സംഘമാണ് പ്രതികളെ പിടികൂടിയത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
എംഡിഎംഎയും ഡിജിറ്റല്‍ ത്രാസും ലഹരിവില്‍പ്പനയിലൂടെ അനധികൃതമായി സമ്പാദിച്ച പണവുമായി പ്രതി പിടിയില്‍ 
തെളിവ് മായ്ക്കാന്‍ മുളകുപൊടി വിതറി;പാക്കറ്റിലെ വിരലടയാളം പ്രതിയെ കുടുക്കി 
കാറളത്ത് വയോധികയെ കഴുത്തുഞെരിച്ച് കൊലപ്പെടുത്തി 15 പവനോളം സ്വര്‍ണം കവര്‍ന്നു; പ്രതി അറസ്റ്റില്‍ 
വര്‍ക്ക് വിസ വാഗ്ദാനം ചെയ്ത് എട്ടുലക്ഷം രൂപ തട്ടിയെടുത്ത കേസില്‍ പ്രതി അറസ്റ്റില്‍ 
ഓപ്പറേഷന്‍ തൂഫാന്‍; അന്തര്‍സംസ്ഥാന രാസലഹരി മാഫിയയിലെ പ്രധാന കണ്ണിയെ ചെന്നൈയില്‍ നിന്നും അറസ്റ്റ് ചെയ്തു 
കാപ്പ നിയമ ലംഘനം; നിരവധി ക്രിമിനല്‍ക്കേസുകളില്‍ പ്രതിയായ സ്റ്റേഷന്‍ റൗഡി അറസ്റ്റില്‍ 
