ഭവനരഹിതര്ക്ക് ഭവനപദ്ധതിയുമായി താഴെക്കാട് മേജര് ആര്ക്കി എപ്പിസ്കോപ്പല് തീര്ഥാടന കേന്ദ്രം
ഇരിങ്ങാലക്കുട രൂപതയുടെ സുവര്ണ ജൂബിലിയുടെ ഭാഗമായി ആചരിച്ച കുടുംബവര്ഷത്തിന്റെ സമാപനവും കരുണയുടെ വര്ഷ ആരംഭ പരിപാടികളുടെ ഉദ്ഘാടനവും മേജര് ആര്ച്ച് ബിഷപ് മാര് റാഫേല് തട്ടില് നിര്വഹിക്കുന്നു. ബിഷപ് മാര് പോളി കണ്ണൂക്കാടന് സമീപം.

ഇരിങ്ങാലക്കുട: രൂപതയുടെ സുവര്ണ ജൂബിലിയുടെ ഭാഗമായി ആചരിച്ച കുടുംബവര്ഷത്തിന്റെ സമാപനവും കരുണയുടെ വര്ഷ ആരംഭ പരിപാടികളുടെ ഉദ്ഘാടനവും മേജര് ആര്ച്ച് ബിഷപ് മാര് റാഫേല് തട്ടില് നിര്വഹിച്ചു. യോഗത്തില് ഇരിങ്ങാലക്കുട രൂപതാ ബിഷപ് മാര് പോളി കണ്ണൂക്കാടന് അധ്യക്ഷത വഹിച്ചു. വിശുദ്ധ കുരിശിന്റെ പുകഴ്ചയുടെ തിരുനാള് ദിനത്തില് കഴിഞ്ഞ കാലയളവില് ഇടവകയെ ശുശ്രൂഷിച്ച് കടന്നുപോയ കൈക്കാരന്മാരെയും കുടുംബസമ്മേളന കേന്ദ്രസമിതി പ്രസിഡന്റുമാരെയും പള്ളി ജീവനക്കാരെയും അവരുടെ ജീവിതപങ്കാളികളോടൊപ്പം ആദരിച്ചു. കരുണയുടെ വര്ഷത്തിന്റ ഭാഗമായി ദിവ്യകാരുണ്യത്തില് നിന്ന് ജീവകാരുണ്യത്തിലേക്ക് എന്ന ആപ്തവാക്യം ഉള്കൊണ്ടാണ് സ്വന്തമായി ഭവനം ഇല്ലാത്തവര്ക്ക് ഒരു ഭവനം എന്ന പദ്ധതി ആസൂത്രണം ചെയ്തിരിക്കുന്നത്.
ഇടവകയിലെ കാരുണ്യപ്രവര്ത്തനങ്ങള്ക്ക് നേതൃത്വം നല്കുന്ന കുടുംബക്ഷേമനിധി, വിന്സെന്റ് ഡി പോള് സംഘടന, പാലിയേറ്റീവ് കെയര്, കുടുംബസമ്മേളന കേന്ദ്രസമിതി എന്നിവരാണ് വികാരിയച്ചന്റെയും കൈക്കാരന്മാരുടേയും നേതൃത്വത്തില് പദ്ധതി നടപ്പില് വരുത്തുക. ഈ പദ്ധതിയുടെ ഭാഗമായി ഒരു വീടിന് 10 ലക്ഷം രൂപ ഇതിനകം ഒരു വ്യക്തി സംഭാവന നല്കിയിട്ടുണ്ട്. രണ്ടാമത്തെ വീടിനായി പതിനായിരം രൂപ വച്ച് ഒരു വര്ഷം 100 പേരെ കണ്ടെത്തി ഈ കാരുണ്യപദ്ധതി മുന്നോട്ട് കൊണ്ടുപോകും. ആദരവ് യോഗത്തില് രൂപതാ മുഖ്യവികാരി ജനറാള് മോണ്. ജോസ് മാളിയേക്കല്, സിസ്റ്റര് ലീന പോള്, മിനി ജോണ്സന്, അഡ്വ.സി.ജി. ആന്റോ എന്നിവര് സംസാരിച്ചു. വികാരി ഫാ. ജോര്ജ്ജ് പാറേമേന് സ്വാഗതവും അസി. വികാരി ഫാ. ജിതിന് പുന്നശേരി നന്ദിയും പറഞ്ഞു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558

ആള്ക്കൂട്ട അരാജകത്വത്തിനെതിരെ ഇരിങ്ങാലക്കുടയില് ബിജെപി തെരുവ് ജനസഭ സംഘടിപ്പിച്ചു
കുച്ചിപ്പുടിയില് പാരമ്പര്യത്തിലൂന്നിയ പുതുമകള് അനിവാര്യം: നവ്യം 2026 സമാപനത്തില് പദ്മവാണി മോസലികണ്ടി
പി.കെ. ചാത്തന് മാസ്റ്റര് സ്മൃതിസഭയോട് അനുബന്ധിച്ച് ബിജെപിയുടെ നേതൃത്വത്തില് ഉന്നതികളില് ഗൃഹസന്ദര്ശനം നടത്തി
കാട്ടൂരിലെ സ്പിരിറ്റ് വേട്ട; അന്വേഷണം എക്സൈസ് അസി. കമ്മീഷണര്ക്ക്
മുരിയാട് പഞ്ചായത്ത് കേരളോത്സവം സമാപിച്ചു
ദേശീയ മാധ്യമദിന0; ക്രൈസ്റ്റ് കോളജ് മാധ്യമ ശില്പശാല സംഘടിപ്പിച്ചു