‘ഹാക്കെഡ്’ വെബ്‌സൈറ്റ് പ്രകാശനം ചെയ്തു
ഇരിങ്ങാലക്കുട: ക്രൈസ്റ്റ് കോളജ് ഓഫ് എന്‍ജിനീയറിംഗ് കംപ്യൂട്ടര്‍ സയന്‍സ് വിഭാഗം അസോസിയേഷന്‍ ‘കോഡ്’ മുന്‍വര്‍ഷങ്ങളായി നടത്തി വരുന്ന ബീച് ഹാക്കിന്റെ ഓണ്‍ലൈന്‍ എഡിഷന്‍ ‘ഹാക്കെഡ്’ വെബ്‌സൈറ്റ് പ്രകാശനവും രജിസ്‌ട്രേഷന്‍ ഫഌഗ് ഓഫും നടത്തി. ഹാക്കത്തോണിന്റെ ടൈറ്റില്‍ സ്‌പോണ്‍സറായി ഐഎംഐടിയെ (ഇന്റര്‍ നാഷണല്‍ മീഡിയ ആന്‍ഡ് ഇന്‍ഫര്‍മേഷന്‍ ടെക്‌നോളജി പാര്‍ക്ക് ഇരിങ്ങാലക്കുട) അനൗണ്‍സ് ചെയ്തു. ഓണ്‍ലൈന്‍ എഡ്യുക്കേഷന്‍ രംഗത്ത് പുത്തന്‍ ആശയങ്ങളെ കണ്ടെത്തുകയാണു ഹാക്കത്തോണിന്റെ ലക്ഷ്യം. കോളജ് ഡയറക്ടര്‍ ഫാ. വാള്‍ട്ടര്‍ തേലപ്പിള്ളി സിഎംഐ പാലന ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് വെബ്‌സൈറ്റ് പ്രകാശനം ചെയ്തു. ലോക്ക് ഡൗണ്‍ കാലത്ത് കാലത്ത് വിദ്യാര്‍ഥികളുടെ ആശയങ്ങളെ വേണ്ടവിധത്തില്‍ സ്വീകരിക്കുക എന്ന ഉദ്ദേശത്തോടെയാണു ഹാക്കെഡ് നടത്തുന്നതെന്നു അദ്ദേഹം പറഞ്ഞു. ഐഎംഐടി സിടിഒ ജീസ് ലാസര്‍ ഹാക്കെഡ് രജിസ്‌ട്രേഷന്‍ ഫഌഗ് ഓഫ് ചെയ്തു. ഓണ്‍ലൈന്‍ എഡ്യുക്കേഷന്‍ രംഗത്ത് വരേണ്ട മാറ്റങ്ങളുടെ ആവശ്യകതയെ കുറിച്ചും അദ്ദേഹം പ്രസംഗിച്ചു. ക്രൈസ്റ്റ് കോളജ് ഓഫ് എന്‍ജിനീയറിംഗ് എക്‌സിക്യുട്ടീവ് ഡയറക്ടര്‍ ഫാ. ജോണ്‍ പാലിയേക്കര സിഎംഐ, ഫാ. ജേക്കബ് ഞെരിഞ്ഞാമ്പിള്ളി, പ്രയോര്‍ ക്രൈസ്റ്റ് മോണസ്ട്രി, ക്രൈസ്റ്റ് കോളജ് ഓഫ് എന്‍ജിനീയറിംഗ് പ്രിന്‍സിപ്പല്‍ സജീവ് ജോണ്‍, വൈസ് പ്രിന്‍സിപ്പല്‍ വി.ഡി. ജോണ്‍, ജോയിന്റ് ഡയറക്ടര്‍ ഫാ. ജോയ് പയ്യപ്പിള്ളി സിഎംഐ, ഫിറോസ് ബാബു (ഐഎംഐടി), കംപ്യൂട്ടര്‍ സയന്‍സ് വിഭാഗം എച്ച്ഒഡി രമ്യ കെ. ശശി എന്നിവര്‍ പ്രസംഗിച്ചു. ക്രൈസ്റ്റ് കോളജ് ഓഫ് എന്‍ജിനീയറിംഗ് അധ്യാപകരും വിദ്യാര്‍ഥികളും പങ്കെടുത്തു.
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
അധ്യാപനത്തിനും ഗവേഷണത്തിനും എഐയുടെ കരുത്ത്; സെന്റ് ജോസഫ്‌സില്‍ അധ്യാപകര്‍ക്ക് പരിശീലനം 
ഭരതനാട്യത്തില്‍ മികവിന്റെ മുദ്ര പതിപ്പിച്ച് കാറ്റ്‌ലിന്‍; സഹോദയ കലോത്സവത്തില്‍ തുടര്‍ച്ചയായ മൂന്നാം വര്‍ഷവും ഒന്നാം സ്ഥാനം 
