ഇരിങ്ങാലക്കുട മണ്ഡലം കമ്മിറ്റി ചാലക്കുടി മണ്ഡലം കമ്മിറ്റിക്ക് സഹായധനം കൈമാറി

ഇരിങ്ങാലക്കുട: മാസങ്ങളായി അടഞ്ഞു കിടക്കുന്നതുമൂലം തൊഴില്‍ നഷ്ടപ്പെട്ട മലക്കപ്പാറയിലെ തോട്ടം തൊഴിലാളികള്‍ അനുഭവിക്കുന്ന ദുരിതത്തിന് ആശ്വാസം പകരുന്നതിനു എഐടിയുസി തൃശൂര്‍ ജില്ലാ കമ്മിറ്റിയുടെ തീരുമാനപ്രകാരം ഇരിങ്ങാലക്കുട മണ്ഡലം കമ്മിറ്റി ചാലക്കുടി മണ്ഡലം കമ്മിറ്റിക്ക് സഹായധനം കൈമാറി. ഇരിങ്ങാലക്കുട അച്യുതമേനോന്‍ സ്മാരകത്തില്‍ വെച്ച് നടന്ന ചടങ്ങില്‍ എഐടിയുസി ജില്ലാ ജോയിന്റ് സെക്രട്ടറി ടി.കെ. സുധീഷ് എഐടിയുസി ചാലക്കുടി മണ്ഡലം സെക്രട്ടറി ടി.ആര്‍. ബാബുരാജിനു സഹായധനം കൈമാറി. ഇരിങ്ങാലക്കുട മണ്ഡലം പ്രസിഡന്റ് റഷീദ് കാറളം അധ്യക്ഷത വഹിച്ചു. സെക്രട്ടറി കെ.കെ. ശിവന്‍, ചാലക്കുടി മണ്ഡലം പ്രസിഡന്റ് അഡ്വ. പോളി കണിച്ചായ്, സപ്ലൈകോ എംപ്ലോയീസ് യൂണിയന്‍ ജില്ലാ സെക്രട്ടറി എ.ആര്‍. റസല്‍, എ.എന്‍. ബിന്ദു, സി.കെ. ബിജു എന്നിവര്‍ പങ്കെടുത്തു. സപ്ലൈകോ യൂണിയന്റ ധനസഹായം റസലും ബിന്ദുവും ചേര്‍ന്ന് ചാലക്കുടി മണ്ഡലം ഭാരവാഹികള്‍ക്കു കൈമാറി. വിവിധ മണ്ഡലങ്ങളില്‍ നിന്നും ലഭിക്കുന്ന സഹായധനം ഉപയോഗിച്ച് ഭക്ഷ്യകിറ്റ് ഉള്‍പ്പെടെയുള്ള സഹായം നല്‍കാനാണ് പരിപാടിയിട്ടിട്ടുള്ളത്.

About Author

ijknews

See author's posts