ഡിവൈഎഫ്‌ഐ ഉച്ചഭക്ഷണ പരിപാടി ജനറല്‍ ആശുപത്രിയില്‍ നാലാം വര്‍ഷത്തിലേക്ക്
ഇരിങ്ങാലക്കുട: ‘വയറെരിയുന്നോരുടെ മിഴി നിറയാതിരിക്കാന്‍’ എന്ന സന്ദേശം ഉയര്‍ത്തി സര്‍ക്കാര്‍ ആശുപത്രികളില്‍ ഡിവൈഎഫ്‌ഐ സംഘടിപ്പിക്കുന്ന ‘ഹൃദയപൂര്‍വ്വം’ ഉച്ചഭക്ഷണ വിതരണ പരിപാടി ഇരിങ്ങാലക്കുട ജനറല്‍ ആശുപത്രിയില്‍ മൂന്നു വര്‍ഷം പൂര്‍ത്തീകരിച്ചു. വിവിധ യൂണിറ്റുകളിലെ ഡിവൈഎഫ്‌ഐ പ്രവര്‍ത്തകര്‍ അവര്‍ക്കു നിശ്ചയിച്ച ദിവസങ്ങളില്‍ യൂണിറ്റ് പരിധിയിലെ വീടുകളില്‍ കയറിയിറങ്ങി സുമനസുകളില്‍ നിന്നു വാഴയിലയില്‍ പൊതിഞ്ഞു ശേഖരിച്ച ഉച്ചയൂണാണു എല്ലാ ദിവസവും ആശുപത്രിയില്‍ എത്തിക്കുന്നത്. രോഗികളെയോ കൂട്ടിരിപ്പുകാരെയോ വരി നിര്‍ത്തിക്കാതെ അവരവരുടെ കിടക്കകളിലേക്കു പൊതിച്ചോറുകള്‍ എത്തിച്ചാണു ഭക്ഷണം വിതരണം ചെയ്യുന്നത്.
കോവിഡ്-19 ന്റെ സാഹചര്യത്തില്‍ ആരോഗ്യവകുപ്പിന്റെ നിര്‍ദേശങ്ങള്‍ പാലിച്ചു ആശുപത്രിയിലെ രണ്ടു കേന്ദ്രങ്ങളിലായാണു ഭക്ഷണവിതരണം നടത്തുന്നത്. നാലാം വര്‍ഷത്തിലേക്കു കടക്കുന്നതിന്റെ ഭാഗമായി സംഘടിപ്പിച്ച പരിപാടി പ്രഫ. കെ.യു. അരുണന്‍ എംഎല്‍എ ഉദ്ഘാടനം ചെയ്തു. ഡിവൈഎഫ്‌ഐ സംസ്ഥാന കമ്മിറ്റിയംഗം ആര്‍.എല്‍. ശ്രീലാല്‍, ബ്ലോക്ക് സെക്രട്ടറി വി.എ. അനീഷ്, പ്രസിഡന്റ് പി.കെ. മനുമോഹന്‍, ട്രഷറര്‍ ഐ.വി. സജിത്ത്, സെക്രട്ടറിയേറ്റംഗം വിഷ്ണു പ്രഭാകരന്‍, പി.ജെ. ജിത്തു, പി.കെ. മനോജ്, വി.വി. വിനീത്, പി.ആര്‍. സുബിന്‍, എം.എസ്. രാകേഷ്, കിരണ്‍ കൊല്ലയില്‍ എന്നിവര്‍ പരിപാടിയില്‍ പങ്കെടുത്തു.
About Author
നഗരസഭയുടെ ആധുനിക അറവുശാല പദ്ധതി; കിഫ്ബി/അമൃത് എജന്‍സിയില്‍ നിന്നും ഗ്രാന്റ് ലഭിക്കില്ല 
മുനമ്പം ജനതക്ക് പുല്ലൂര്‍ ഇടവകയുടെ ഐക്യദാര്‍ഢ്യം 
ജെസിഐ ക്രിക്കറ്റ് ടൂര്‍ണമെന്റ്; ഡൈനാമിക് ഡെയര്‍ ഡേവിള്‍സ് ജേതാക്കള്‍ 
ചേലക്കടവ് പ്രദേശത്തെ വീടുകള്‍ പൊളിച്ചുനീക്കാന്‍ വൈകുന്നതില്‍ ചേലക്കടവ് നിവാസികളുടെ പ്രതിഷേധം 
നഗരസഭയുടെ ഈവനിംഗ് മാര്‍ക്കറ്റിന്റെ പ്രവര്‍ത്തനം അവസാനിപ്പിച്ചു 
നഗരസഭ 29ാം വാര്‍ഡ് കോണ്‍ഗ്രസ് പ്രവര്‍ത്തക യോഗം നടന്നു