പൂർവവിദ്യാർഥികൾ കാറളം സ്കൂളിലെ വിദ്യാർഥികൾക്കു ടിവികൾ നല്കി

കോവിഡ് സാഹചര്യത്തിൽ സർക്കാർ ഓൺലൈൻ ക്ലാസുകൾ ആരംഭിച്ചപ്പോൾ ഗ്രാമപ്രദേശമായ കാറളത്തെ വെക്കോഷണൽ ഹയർ സെക്കൻഡറി സ്കൂളിലെ നിർധനരായ ചില വിദ്യാർഥികൾ എന്തു ചെയ്യണം എന്നറിയാത്ത അവസ്ഥയിലായിരുന്നു. തുടർന്ന് പ്രിൻസിപ്പലിന്റെ നിർദേശാനുസരണം 2002 പത്താംതരം പഠിച്ചിറങ്ങിയ പൂർവ വിദ്യാർഥികളുടെ നേതൃത്വത്തിൽ ഇവരുടെ വാട്സ് ആപ്പ് കൂട്ടായ്മയിലൂടെ പിരിവ് നടത്തി തങ്ങളുടെ കുഞ്ഞനുജന്മാർക്കു ടിവി വാങ്ങുവാൻ പണം കണ്ടെത്തി. 32 ഇഞ്ച് വലിപ്പമുള്ള ഏഴു എൽഇഡി ടിവികളാണു പിടിഎ പ്രസിഡന്റ് സുരേഷ് മരോട്ടിക്കലിന്റെ സാന്നിധ്യത്തിൽ അധ്യാപകരായ രഞ്ജിത്തിനും ഷിജോയ്ക്കും കൈമാറിയത്.

About Author

ijknews

See author's posts