കേരള പോലീസ് അസോസിയേഷന്‍ റൂറല്‍ ജില്ലാ സമ്മേളനം: പരിപാടികള്‍ക്കു തുടക്കമായി
ഇരിങ്ങാലക്കുട: കേരള പോലീസ് അസോസിയേഷന്‍ തൃശൂര്‍ റൂറല്‍ ജില്ലാ സമ്മേളനത്തിന്റെ അനുബന്ധ പരിപാടികള്‍ക്കു ബാഡ്മിന്റണ്‍ മത്സരങ്ങളോടെ തുടക്കമായി. ഇരിങ്ങാലക്കുട കാത്തലിക് സെന്റര്‍ ഇന്‍ഡോര്‍ സ്റ്റേഡിയത്തില്‍ നടന്ന ബാഡ്മിന്റണ്‍ മത്സരങ്ങളുടെ ഉദ്ഘാടനം തൃശൂര്‍ റൂറല്‍ സ്‌പെഷല്‍ ബ്രാഞ്ച് ഡിവൈഎസ്പി പി.സി. ബിജുകുമാര്‍ നിര്‍വഹിച്ചു. സിംഗിള്‍സ്, ഡബിള്‍സ് വിഭാഗങ്ങളിലായി നടന്ന മത്സരങ്ങളില്‍ ജില്ലയിലെ പോലീസ് ഉദ്യോഗസ്ഥര്‍ പങ്കെടുത്തു. സമ്മേളനത്തിനു മുന്നോടിയായി സബ് ഡിവിഷന്‍ തലത്തില്‍ ക്രിക്കറ്റ്, ഫുട്‌ബോള്‍, കുട്ടികള്‍ക്കായുള്ള വിവിധ കലാസാഹിത്യ മത്സരങ്ങള്‍, പോലീസ് ഉദ്യോഗസ്ഥര്‍ക്കായി കഥ, കവിത രചനാ മത്സരങ്ങള്‍ വനിതകളുടെ ഷൂട്ടൗട്ട്, ചിത്രപ്രദര്‍ശനം തുടങ്ങിയ അനുബന്ധ പരിപാടികളും സംഘടിപ്പിക്കുന്നുണ്ട്. ഈ മാസം 19 നു ശ്രീനാരായണപുരം തേവര്‍ പ്ലാസാ ഓഡിറ്റോറിയത്തില്‍ നടക്കുന്ന പൊതുസമ്മേളനം ഇ.ടി. ടൈസന്‍ എംഎല്‍എയും പ്രതിനിധിസമ്മേളനം മുരളി പെരുനെല്ലി എംഎല്‍എയും ഉദ്ഘാടനം ചെയ്യും. വകുപ്പ് മേലധികാരികള്‍, സാംസ്‌കാരികപ്രവര്‍ത്തകര്‍, സംഘടനാ സംസ്ഥാന, ജില്ലാ ഭാരവാഹികള്‍ എന്നിവര്‍ പങ്കെടുക്കും.
About Author
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
