ഇതര സംസ്ഥാന തൊഴിലാളിയുടെ മൃതദേഹം നാട്ടിലെത്തിക്കുന്നതിനുള്ള നടപടികള്‍ സ്വീകരിച്ചു

ഇരിങ്ങാലക്കുട: കോണ്‍ക്രീറ്റ് മിക്‌സ് ചെയ്യുന്ന യന്ത്രത്തില്‍ വീണ് മരണമടഞ്ഞ ഇതര സംസ്ഥാന തൊഴിലാളിയുടെ മൃതദേഹം നാട്ടിലെത്തിക്കുന്നതിനുള്ള നടപടികള്‍ സ്വീകരിച്ചു. മരണപെട്ട ബീഹാര്‍ വെസ്റ്റ് ചമ്പാരന്‍ സ്വദേശി ഭരത് ജാദവിന്റെ മകന്‍ പരമാനന്ദകുമാറിന്റെ(19)ന്റെ മൃതദേഹം എംബാം ചെയത് വിമാനമാര്‍ഗ്ഗമാണ് നാട്ടിലെത്തിക്കുന്നത്. അര്‍ഹമായ സാമ്പത്തിക സഹായം പരമാനന്ദകുമാറിന്റെ കുടുംബത്തിന് നല്‍കുന്നതിനും കമ്പനി അധികൃതരോട് ജില്ലാ ഭരണകൂടവും, തൃശ്ശൂര്‍ റൂറല്‍ ജില്ലാ പോലീസും നിര്‍ദേശം നല്‍കിയിരുന്നു. ഇതുപ്രകാരം പരമാനന്ദകുമാറിന്റെ കുടുംബത്തിന് രണ്ടര ലക്ഷം രൂപ സാമ്പത്തിക സഹായം കമ്പനി നല്‍കിയിട്ടുണ്ട്. കഴിഞ്ഞ ദിവസമാണ് കൊടുങ്ങല്ലൂര്‍ കൂര്‍ക്കഞ്ചേരി കോണ്‍ക്രീറ്റ് റോഡ് നിര്‍മ്മാണത്തിനായി വെള്ളാങ്ങല്ലൂര്‍ വെളയനാട് സ്ഥാപിച്ചിട്ടുള്ള പ്ലാന്റില്‍ വച്ച് ദാരുണമായ സംഭവമുണ്ടായത്.

About Author

IjkNews Office

See author's posts