വെള്ളാങ്കല്ലൂര് ഗ്രാമപഞ്ചായത്തും കുടുംബശ്രീ സിഡിഎസും സംയുക്തമായി ഓണോത്സവ് 2കെ23 സംഘടിപ്പിച്ചു
![](https://irinjalakuda.news/wp-content/uploads/2023/08/vellangallur-onolsave-2k23.jpeg)
കോണത്തുകുന്ന്: വെള്ളാങ്കല്ലൂര് ഗ്രാമപഞ്ചായത്തും കുടുംബശ്രീ സിഡിഎസും സംയുക്തമായി സംഘടിപ്പിക്കുന്ന കുടുംബശ്രീ ജില്ലാതല ഓണച്ചന്തയും മെഗാ ഓണാഘോഷവും ഓണോത്സവ് 2കെ23 ജില്ലാപഞ്ചായത്ത് പ്രസിഡന്റ് പി.കെ. ഡേവിസ് മാസ്റ്റര് ഉദ്ഘാടനം ചെയ്തു. പഞ്ചായത്ത് പ്രസിഡന്റ് എം.എം. മുകേഷ് അധ്യക്ഷനായി. സിഡിഎസ് ചെയര്പേഴ്സണ് ഗീതാഞ്ജലി ബിജു, മുഖ്യമന്ത്രിയുടെ പോലീസ് മെഡല് നേടിയ മിനി സുരേഷ്, മാസ്റ്റേഴ്സ് മീറ്റ് ഷോട്ട്പുട്ട് ജേതാവ് ചന്ദ്ര സുരേന്ദ്രന്, കലാഭവന് ജോഷി എന്നിവരെ ചടങ്ങില് പൊന്നാട ചാര്ത്തി ഉപഹാരം നല്കി ആദരിച്ചു. ബ്ലോക്ക് പ്രസിഡന്റ് വിജയലക്ഷ്മി വിനയചന്ദ്രന്, സ്ഥിരം സമിതി അധ്യക്ഷ പ്രസന്ന അനില്കുമാര്, വാര്ഡ് മെമ്പര് ഷംസു വെളുത്തേരി, പഞ്ചായത്ത് വൈസ് പ്രസിഡന്റ് ഫസ്ന റിജാസ്, സ്ഥിരം സമിതി അധ്യക്ഷ സിന്ധു ബാബു, മെമ്പര്മാരായ സിമി റഷീദ്, സദക്കത്തുള്ള, ഷറഫുദ്ദീന്, സിഡിഎസ് അക്കൗണ്ടന്റ് ദിവ്യ തുടങ്ങിയവര് പങ്കെടുത്തു.