ലോക ആത്മഹത്യ പ്രതിരോധ ദിനം ആചരിച്ചു: വേളൂക്കര ഗ്രാമപ്പഞ്ചായത്തില്‍ കഴിഞ്ഞ ആറു വര്‍ഷത്തിനുള്ളില്‍ ആത്മഹത്യ ചെയ്തത് 44 പേര്‍
വേളൂക്കര: വേളൂക്കര ഗ്രാമപ്പഞ്ചായത്തില്‍ 2018 മുതല്‍ 2023 വരെയുള്ള ആറു വര്‍ഷക്കാലം ആത്മഹത്യ ചെയ്തത് 44 പേര്‍. 2022, 2023 വര്‍ഷങ്ങളില്‍ ആത്മഹത്യ നിരക്ക് വര്‍ദ്ധിച്ചതായി കാണപ്പെട്ടു. 20.37 ആണ് ആറു വര്‍ഷങ്ങളിലെ ശരാശരി ആത്മഹത്യ നിരക്ക് (ആത്മഹത്യാ നിരക്ക് ഒരുലക്ഷം ജനസംഖ്യയില്‍ എത്രപേര്‍ ഒരു വര്‍ഷം ആത്മഹത്യ ചെയ്യുന്നു). 2022 ല്‍ 27.37, 2023 ല്‍ 36.31 എന്നിങ്ങനെയാണ് ഈ നിരക്കുകള്‍. ഏകദേശം 70% ആത്മഹത്യയും പുരുഷന്മാരിലാണ്.
കൗമാരപ്രായക്കാര്‍ മൂന്നുപേര്‍ (6.82%) ഈ കാലയളവില്‍ ആത്മഹത്യ ചെയ്തു. 80 വയസിന് മുകളിലുള്ള മൂന്നുപേരും ആത്മഹത്യ ചെയ്തു. ഏറ്റവും കൂടുതല്‍ ആത്മഹത്യ ചെയ്തത് 50 വയസ്സിനും 60 വയസിനും ഇടയിലുള്ളവരിലാണ് 14(32%). ആത്മഹത്യ ചെയ്തവരുടെ ശരാശരി പ്രായം 51 വയസ് ആണ്. പഞ്ചായത്തില്‍ നടന്ന മരണം രജിസ്റ്റര്‍ ചെയ്ത രേഖകളില്‍ നിന്നാണ് ഈ കണക്കുകള്‍. ലോക ആത്മഹത്യ പ്രതിരോധ ദിനം ആചരിക്കുന്നതിന്റെ ഭാഗമായാണ് പഞ്ചായത്തിലെ ആത്മഹത്യാ കണക്കുകള്‍ വിശകലനം ചെയ്തത്.
ആത്മഹത്യകളുടെ കാരണങ്ങള്‍ കൂടി വിശകലനം ചെയ്യുന്ന തലത്തില്‍ പഠനം നടത്തുമെന്നും ആത്മഹത്യ പ്രതിരോധത്തിന് ആയുള്ള സൂക്ഷ്മതല ഇടപെടലുകള്‍ ആവിഷ്‌കരിച്ച് നടപ്പാക്കും എന്നും വേളൂക്കര കുടുംബാരോഗ്യ കേന്ദ്രം മെഡിക്കല്‍ ഓഫീസര്‍ ഡോ. കെ.യു. രാജേഷ് അറിയിച്ചു. ആയതിന്റെ ഭാഗമായി ലോക ആത്മഹത്യ പ്രതിരോധ ദിനം വേളൂക്കര കുടുംബാരോഗ്യ കേന്ദ്രത്തില്‍ ആരോഗ്യപ്രവര്‍ത്തകര്‍ക്കും ആശ പ്രവര്‍ത്തകര്‍ക്കും ഉള്ള പരിശീലന പരിപാടിയായി ആചരിച്ചു.
അസിസ്റ്റന്റ് സര്‍ജന്‍ ഡോ. ശാലു പത്മദാസന്‍ പരിശീലന പരിപാടി നയിച്ചു. ഹെല്‍ത്ത് ഇന്‍സ്‌പെക്ടര്‍ സി. പ്രസാദ്, ഭാവി പ്രവര്‍ത്തന കര്‍മ്മ പദ്ധതി അവതരിപ്പിച്ചു. 2023ല്‍ ആത്മഹത്യ ചെയ്തവരില്‍ ഒരു ഗര്‍ഭിണി കൂടി ഉള്‍പ്പെട്ട സാഹചര്യത്തില്‍ എല്ലാം ആരോഗ്യ ഉപകേന്ദ്രങ്ങളും കേന്ദ്രീകരിച്ച് ഗര്‍ഭിണികള്‍ക്കും കുടുംബാംഗങ്ങള്‍ക്കുമായി ആത്മഹത്യ പ്രതിരോധ ക്ലിനിക് സംഘടിപ്പിക്കും.
About Author
ലഹരി മാഫിയ സംഘത്തിന്റെ ആക്രമണം; അശാന്തിയോടെ ചേലകടവ് നിവാസികള്‍ 
കെപിഎംഎസ് ജില്ലാ യൂണിയന്‍ ട്രസ്റ്റീസ് യോഗം ഉദ്ഘാടനം ചെയ്തു 
പറവൂര്‍ കളിയരങ്ങ് നല്‍കി വരാറുള്ള കളിയച്ഛന്‍ പുരസ്‌കാരം കലാനിലയം രാഘവന് 
യുവാവിനെ വീട്ടില്‍ നിന്നും തട്ടിക്കൊണ്ടുപോയി മര്‍ദ്ദിച്ച കേസിലെ പ്രതി അറസ്റ്റില്‍ 
ടൗണ്‍ ലയണ്‍സ് ക്ലബ്ബിന്റെ പാലിയേറ്റീവ് കെയര്‍ പദ്ധതിയായ സാന്ത്വനം 24 ന്റെ ഉദ്ഘാടനം 
സെന്റ് ജോസഫ്‌സ് കോളജ് ജന്തുശാസ്ത്ര വിഭാഗത്തിന്റെ നേതൃത്വത്തില്‍ ക്വിസ് മത്സരം 
