കരാഞ്ചിറ സെന്റ് സേവിയേഴ്‌സ് പള്ളിയില്‍ തിരുനാളിന് കൊടിയേറി
കരാഞ്ചിറ സെന്റ് സേവിയേഴ്‌സ് പള്ളിയില്‍ തിരുനാളിന് ചിക്കാഗോ രൂപതാ ബിഷപ്പ് മാര്‍. ജോയ് ആലപ്പാട്ട് കൊടിയേറ്റുന്നു. വികാരി ഫാ. ജെയിംസ് പള്ളിപ്പാട്ട് സമീപം.
കരാഞ്ചിറ: സെന്റ് സേവിയേഴ്‌സ് പള്ളിയില്‍ ശതോത്തര സുവര്‍ണ ജൂബിലി സമാപനാഘോഷങ്ങളും അമ്പുപെരുന്നാളും നാളെ മുതല്‍ 13വരെ നടക്കും. ചിക്കാഗോ രൂപതാ ബിഷപ്പ് മാര്‍. ജോയ് ആലപ്പാട്ട് തിരുന്നാളിന് കൊടിയേറ്റി. നാളെ വൈകീട്ട് 5.30ന് ദിവ്യബലി, ലദീഞ്ഞ്, നൊവേന. 6.45ന് തിരുനാള്‍ ദീപാലങ്കാരം സ്വിച്ച് ഓണ്‍ കര്‍മം മേജര്‍ അമല്‍ ആന്റണി വിന്‍സ് കവലക്കാട്ട് നിര്‍വഹിക്കും. തുടര്‍ന്ന് വര്‍ണമഴ, ജൂബിലി വര്‍ഷ പ്രവാസിസംഗമം.
11ന് അമ്പെഴുന്നള്ളിപ്പ് ദിനത്തില്‍ രാവിലെ 6.30ന് ദിവ്യബലി, ലദീഞ്ഞ്, നൊവേന, കൂടുതുറക്കല്‍ ശുശ്രൂഷ, അമ്പ് വെഞ്ചിരിപ്പ് എന്നിവക്ക് രൂപത വികാരി ജനറാള്‍ മോണ്‍ ജോളി വടക്കന്‍ മുഖ്യകാര്‍മികത്വം വഹിക്കും. ഫാ. ജീസ് ഹൗസി സഹകാര്‍മികനായിരിക്കും. തുടര്‍ന്ന് വീടുകളിലേക്ക് അമ്പെഴുന്നള്ളിപ്പ്. 11ന് വിവിധ സമുദായങ്ങളുടെ അമ്പെഴുന്നള്ളിപ്പ് പള്ളിയില്‍ സമാപിക്കും.
12ന് രാവിലെ 10ന് ശതോത്തര സുവര്‍ണ ജൂബിലി കൃതജ്ഞതാബലിക്ക് യൂറോപ്പ് സീറോമലബാര്‍ അപ്പസ്‌തോലിക് വിസിറ്റേറ്റര്‍ ബിഷപ് മാര്‍ സ്റ്റീഫന്‍ ചിറപ്പണത്ത് മുഖ്യകാര്‍മികനായിരിക്കും. ഫാ. ആന്റണി പുതുശേരി, ഫാ. ഷാബു പുത്തൂര്‍ എന്നിവര്‍ സഹകാര്‍മികരായിരിക്കും. വൈകീട്ട് 4.30ന് ദിവ്യബലി തുടര്‍ന്ന് പ്രദക്ഷിണം. ഏഴിന് പ്രദക്ഷിണം പള്ളിയില്‍ തിരിച്ചെത്തും. തുടര്‍ന്ന് ആകാശവര്‍ണവിസ്മയങ്ങള്‍.
13ന് വൈകീട്ട് 4.30ന് ദിവ്യബലി, 5.30ന് മെഗാ മാര്‍ഗംകളി, ആറിന് ശതോത്തര സുവര്‍ണ ജൂബിലി സമാപനാഘോഷം രൂപത ബിഷപ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്യും. വികാരി ഫാ. ജെയിംസ് പള്ളിപ്പാട്ട് അധ്യക്ഷത വഹിക്കും. കിഡ്‌നി ഫെഡറേഷന്‍ ഓഫ്് ഇന്ത്യ ചെയര്‍മാന്‍ ഫാ. ഡേവിസ് ചിറമ്മല്‍ വിശിഷ്ടാതിഥിയായിരിക്കും.
തുടര്‍ന്ന് സുവനീര്‍ ഹലോ കരാഞ്ചിറ പ്രകാശനം, പുനരുദ്ധരിച്ച ഭവനങ്ങളുടെ പൊതുവെഞ്ചിരിപ്പ് പ്രാര്‍ഥന, സ്‌നേഹവിരുന്ന്, വൈകീട്ട് ഏഴിന് വോയ്‌സ് ഓഫ് കൊച്ചിന്റെ പ്രശസ്ത പിന്നണി ഗായിക ദുര്‍ഗ വിശ്വനാഥ് നയിക്കുന്ന പാട്ടുത്സവം മെഗാഷോ ഉണ്ടായിരിക്കും. തിരുനാളിന്റെയും ജൂബിലി ആഘോഷങ്ങളുടെയും വിജയത്തിനായി വികാരി ഫാ. ജെയിംസ് പള്ളിപ്പാട്ട്, കൈക്കാരന്‍മാരായ ബിജു ജോസ്, ജീസന്‍ വര്‍ഗീസ്, ജനറല്‍ കണ്‍വീനര്‍ ടോണി ജോണ്‍ ആലപ്പാട്ട്, തിരുനാള്‍ കണ്‍വീനര്‍ റാഫി കൊമ്പന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിച്ചുവരുന്നത്.
About Author
സംസ്ഥാന കലോത്സവത്തില്‍ തുടര്‍ച്ചയായി നാലാം തവണയും ഹൈസ്‌കൂള്‍ വിഭാഗം പൂരക്കളിയില്‍ എ ഗ്രേഡ് വാങ്ങി എച്ച്ഡിപി എച്ച്എസ്എസ് ടീം 
സംസ്ഥാന കലോത്സവത്തില്‍ എച്ച്എസ്എസ് വിഭാഗം കാവ്യകേളി, വീണ എന്നീ ഇനങ്ങളില്‍ എ ഗ്രേഡ് നേടി സ്മൃതി ഡി. വാരിയര്‍ 
സംസ്ഥാന കലോത്സവത്തില്‍ എച്ച്എസ്എസ് വിഭാഗം ചാക്യാര്‍കൂത്തില്‍ എ ഗ്രേഡ് കരസ്ഥമാക്കി എച്ച്ഡിപി സമാജം ഹയര്‍സെക്കന്‍ഡറി സ്‌കൂളിലെ കാളിദാസ് വി. കിരണ്‍ 
നവോത്ഥാന നായകനായ വിശുദ്ധ ചാവറ കുര്യാക്കോസ് ഏലിയാസച്ചന്റെ സ്മൃതി ദിനത്തോടനുബന്ധിച്ച് സെമിനാര്‍ സംഘടിപ്പിച്ചു 
പൊറത്തൂച്ചിറയിലെ മാലിന്യ പ്രശ്‌നം; ഓടയിലേക്ക് മാലിന്യം ഒഴുക്കി വിട്ടതായി ആരോഗ്യ വിഭാഗം കണ്ടെത്തി 
ജെസിഐ ഇരിങ്ങാലക്കുട സംഘടിപ്പിച്ച ഡാന്‍സ് മത്സരത്തില്‍ ഒന്നാം സ്ഥാനം കരസ്ഥമാക്കി ക്രൈസ്റ്റ് കോളജ് ടീം 
