പരസ്പരം പിടിവലികൂടുന്നതും തര്ക്കത്തില് ഏര്പ്പെടുന്നതും കണ്ട് പിടിച്ച് മാറ്റാന് ശ്രമിച്ചതിലുള്ള വൈരാഗ്യത്താല് ആക്രമണം നടത്തിയ സ്റ്റേഷന് റൗഡികളായ പ്രതികള് അറസ്റ്റില്
പ്രതി തിലകന് (53), പ്രതി ജിന്റോ (33), പ്രതി സജീവന് (45), പ്രതി ജിനോ (40), പ്രതി ധനേഷ് (39), പ്രതി ജോര്ജ്ജ് (60).
ആളൂര്: പരസ്പരം പിടിവലികൂടുന്നതും തര്ക്കത്തില് ഏര്പ്പെടുന്നതും കണ്ട് പിടിച്ച് മാറ്റാന് ശ്രമിച്ചതിലുള്ള വൈരാഗ്യത്താല് ആക്രമണം നടത്തിയ നിരവധി ക്രിമിനല്ക്കേസുകളില് പ്രതികളായ സ്റ്റേഷന് റൗഡികള് അറസ്റ്റില്. ആളൂര് സ്വദേശി കറമ്പന് വീട്ടില് ജോബി ജോസഫ് (54) എന്നയാളെ തടഞ്ഞ് നിര്ത്തി വെട്ടുകത്തി കൊണ്ടും മറ്റും ആക്രമിച്ച് പരിക്കേല്പ്പിച്ച സംഭവത്തിനാണ് ആളൂര് സ്വദേശി വള്ളിവട്ടത്തുക്കാരന് വീട്ടില് തിലകന് (53), ആളൂര് സ്വദേശി പൊന്മാനിശ്ശേരി വീട്ടില് ജിന്റോപി എന്ന് വിളിക്കുന്ന ജിന്റോ (33), ആളൂര് കനാല്പാലം സ്വദേശി കടാശ്ശേരി വീട്ടില് പാമ്പ് സജീവന് എന്ന് വിളിക്കുന്ന സജീവന് (45), ആളൂര് വാഴപ്പള്ളി വീട്ടില് ജിനോ (40), ആളൂര് കരുവാന് വീട്ടില് ധനേഷ് (39), ആളൂര് അരിക്കാടന് വീട്ടില് ജോര്ജ്ജ് (60) എന്നിവരെ അറസ്റ്റ് ചെയ്തത്.
ആളൂര് റയില്വേ മേല്പ്പാലത്തിന് സമീപമുള്ള റേഷന് കടക്ക് മുന്വശത്തു വച്ചാണ് സംഭവം നടന്നത്. തിലകന് ആളൂര്, ഇരിങ്ങാലക്കുട, കൊടകര പോലീസ് സ്റ്റേഷന് പരിധികളിലായി രണ്ട് വധശ്രമക്കേസിലും, രണ്ട് അടിപിടിക്കേസിലും, ഒരു തട്ടിപ്പ് കേസിലും, ഒരു മോഷണക്കേസിലും, പൊതുമുതല് നശിപ്പിച്ച കേസിലും അടക്കം ഏഴ് ക്രിമിനല്ക്കേസുകളില് പ്രതിയാണ്. ജിന്റോ ആളൂര്, മാള, കൊടകര, ചാലക്കുടി പോലീസ് സ്റ്റേഷന് പരിധികളിലായി മൂന്ന് വധശ്രമക്കേസിലും, മൂന്ന് അടിപിടിക്കേസിലും, നിരോധിത ചാരായം കൈവശം വെച്ച കേസിലും, ആയുധ നിയമപ്രകാരമുള്ള ഒരു കേസിലും, കാപ്പ നിയമ പ്രകാരം നാടുകടത്തിയ ഒരു കേസിലും അടക്കം ഒമ്പത് ക്രിമിനല്ക്കേസുകളില് പ്രതിയാണ്.
സജീവന് ഇരിങ്ങാലക്കുട, കൊടകര, ചാലക്കുടി പോലീസ് സ്റ്റേഷന് പരിധികളിലായി ഒരു വധശ്രമക്കേസിലും, ആറ് അടിപിടിക്കേസിലും, ആയുധ നിയമപ്രകാരമുള്ള ഒരു കേസിലും അടക്കം എട്ട് ക്രിമിനല്ക്കേസുകളില് പ്രതിയാണ്. ധനേഷ് ആളൂര് പോലീസ് സ്റ്റേഷന് പരിധിയില് ലഹരിക്കടിമപ്പെട്ട് പൊതുജനങ്ങളെ ശല്യം ചെയ്ത കേസിലും പൊതുസ്ഥലത്ത് പരസ്യമായി മദ്യപിച്ച കേസിലും പ്രതിയാണ്. ആളൂര് പോലീസ് സ്റ്റേഷന് സബ്ബ് ഇന്സ്പെക്ടര് കെ.ടി. ബെന്നി, ജിഎസ്ഐ സി.എസ്. സുമേഷ്, ജിഎസ്സിപിഒ ജിബിന്, സിപിഒ ഹരികൃഷ്ണന് എന്നിവര് ചേര്ന്ാണ് പ്രതികളെ പിടികൂടിയത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakudahttps://irinjalakuda.news/archives/60264
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ദേശീയ ജൂ-ജിറ്റ്സു ചാമ്പ്യന്ഷിപ്പ് മെഡല് തിളക്കത്തില് അല്ബാബ് സ്കൂള് വിദ്യാര്ഥികള് 
പിണ്ടിപ്പെരുന്നാള്; വലിയങ്ങാടി അമ്പ് ഫെസ്റ്റിവല് ബഹുനില ദീപാലങ്കാര പന്തലിന്റെ കാല് നാട്ടുകര്മ്മം നടത്തി 
പുല്ലൂര് സെന്റ് സേവിയേഴ്സ് ദേവാലയത്തില് അമ്പ് തിരുന്നാളിനു കൊടിയേറി 
ഇരിങ്ങാലക്കുട സെന്റ് തോമസ് കത്തീഡ്രല് പിണ്ടിപ്പെരുന്നാള്; നേര്ച്ചപ്പന്തലിന്റെ കാല്നാട്ടു കര്മ്മം നടത്തി 
കൂടല്മാണിക്യം ഉത്സവം; സംഘാടക സമിതി രൂപീകരിച്ചു 
കാട്ടൂര് മണ്ണൂക്കാട് ഫാത്തിമ ദേവാലയത്തിലെ തിരുനാളിന് കൊടികയറി 